​«Մէկ ամսուան համար չենք նկարած ֆիլմը, այլ՝ 100 Տարուան». «Խոստումը» ֆիլմին բեմադրիչը - Հայերէն
29 Mart 2024 - Հակական տոմար - Տարի : 4516 / Ամիս : Արեգ / Օր : Վարագ / Ժամ : Լուսափայլ

Հայերէն :

24 Eylül 2017  

​«Մէկ ամսուան համար չենք նկարած ֆիլմը, այլ՝ 100 Տարուան». «Խոստումը» ֆիլմին բեմադրիչը -

​«Մէկ ամսուան համար չենք նկարած ֆիլմը, այլ՝ 100 Տարուան». «Խոստումը» ֆիլմին բեմադրիչը ​«Մէկ ամսուան համար չենք նկարած ֆիլմը, այլ՝ 100 Տարուան». «Խոստումը» ֆիլմին բեմադրիչը

Հայոց Ցեղասպանութեան մասին «Խոստումը» ֆիլմի բեմադրիչ Թերրի Ճորճը Երեւան ժամանած է։ Ասիկա անոր երկրորդ այցն է Հայաստան. առաջին անգամ այցելած էր չորս տարի առաջ` ֆիլմին համար ուսումնասիրութիւններ ընելու նպատակով, իսկ այսօր՝ արդէն ֆիլմը պաստառներուն է:

«Խոստումը» ֆիլմի բեմադրիչը լրագրողներու հետ հանդիպման ժամանակ նշած է, որ իր ֆիլմը յաջող կը համարէ.

«Երբ ոչ հայ բեմադրիչներու կամ հանդիսատեսի կողմէ կը լսեմ, որ երբեք չէին լսած Հայոց Ցեղասպանութեան մասին եւ կը զարմանան, որ ԱՄՆ-ը կամ Մեծ Բրիտանիան մինչ օրս չեն ճանչցած զայն եւ որ Թուրքիոյ կառավարութիւնը կը մերժէ ցեղասպանութիւնը, այս առումով, կը կարծեմ, ֆիլմը յաջողած է»,- ըստ style.news.am-ի ըսած է բեմադրիչը եւ ընդգծած,- «Ֆիլմը դիտողներէն լսած եմ յատկապէս երկու կարծիք` «մենք շատ քիչ գիտէինք Հայոց Ցեղասպանութեան մասին եւ մենք չէինք գիտեր այդ մասին որեւէ բան»: Կը կարծեմ` ֆիլմը որոշ կրթական խնդիրներ կը լուծէ նաեւ այս առումով եւ, բացի այդ, մենք կը փորձենք ֆիլմին միջոցով ուշադրութիւն հրաւիրել փախստականներու խնդիրին, որ մինչ օրս կայ»:

Ան նշած է, որ 20-րդ դարու ամենամեծ ոճրագործութիւնը դեռ չէ ճանչցուած միջազգային հանրութեան կողմէ եւ այդ պատճառով այսօր կը տեսնենք այն, ինչ որ կը կատարուի Սուրիոյ եւ Մեանմայի:

«Մենք մէկ ամսուան համար չենք նկարած այս ֆիլմը, այլ 100 տարուան»,-յայտարարած է ան:

Ասուլիսին ներկայ` «Խոստումը» ֆիլմը արտադրող Էրիք Իսրայէլեան արնդրադարձած է ֆիլմի soundtrack-ի հեղինակ եւ կատարող Քրիս Քորնելի դերին: Նշենք, որ Քորնելը անձնասպանութիւն գործած էր այս տարուան Մայիսին:

«Ցաւօք, ան այժմ մեր հետ չէ. բայց ես շատ կ՝ուզեմ, որ դուք բոլորդ գիտնաք, թէ ան որքան ոգեւորուած էր, որ ան, հայ չըլլալով, այդքան սրտացաւ էր այս խնդիրին հետ: Ան սիրտ ու հոգի դրած էր իր երգին մէջ, ան կը դատապարտէր ցեղասպանութեան մերժումը»:

Թերրի Ճորճը եւ էրիք Իսրայէլեանը այսօր երեկոյեան ՀՀ նախագահ Սերժ Սարգսեանի եւ այլ պաշտօնեաներու հետ Երեւանի մէջ պիտի մասնակցին «Խոստումը» ֆիլմին նուիրուած երաժշտական ներկայացման:





Bu haber radiovatican kaynağından gelmektedir.

Haber metninde yer alan görüşler haber kaynağı (radiovatican) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(radiovatican). They do not purport to reflect the opinions or views of bolsohays.com

Diğer Haberler

+