​Քահանայապետերը և Հռոմի Ճեմելլի հիւանդանոցը - Gündem
29 Mart 2024 - Հակական տոմար - Տարի : 4516 / Ամիս : Արեգ / Օր : Վարագ / Ժամ : Լուսակն

Gündem :

31 Mart 2023  

​Քահանայապետերը և Հռոմի Ճեմելլի հիւանդանոցը -

​Քահանայապետերը և Հռոմի Ճեմելլի հիւանդանոցը ​Քահանայապետերը և Հռոմի Ճեմելլի հիւանդանոցը

Ֆրանչիսկոս Պապը՝ Սուրբ Յովհաննէս Պօղոս Բ-էն յետոյ, երկրորդ Քահանայապետն է, որ ներկայիս բուժում կը ստանայ Ճեմելլի (Gemelli) Համալսարանական Հիւանդանոցին մէջ, որու հետ Քահանայապետերու կապը կ’անցնի պատմութեան ընդմէջէն

Հռոմի Ճեմելլի Հիւանդանոցի հետ Քահանայապետերու կապը սկսած է անոր հիմնադրումէն. Պիոս ԺԱ Պապը, 1934 թուականին 37 հեկտար հողատարածք տրամադրած է «Sacro Cuore - Սուրբ Սիրտ» Կաթողիկէ Համալսարանի ծիրէն ներս բժշկական ամպիոն հիմնելու համար: 1961 թուականին Սուրբ Յովհաննէս ԻԳ Քահանայապետը կատարած է անոր բացումը: Երեք տարի անց՝ արդեն որպէս բժշկական համալիր, կառոյցը ընդունած է իր առաջին հիւանդը՝ 10 Յուլիս 1964ին՝ պաշտօնապէս նշելով հիւանդանոցային համալիրի բացումը:

Յովհաննէս Պօղոս Բ Պապի իւրայատուկ կապը

Հիւանդանոցի հետ ամենէ սերտ կապը ունեցած է Յովհաննէս Պօղոս Բ Պապը՝ ցաւօք նաեւ ողբերգական հանգամանքներու բերումով։ 1981թուականին կրած մահափորձէն ետք, Ան եղաւ առաջին Պապը՝ որ Ճեմելլի Հիւանդանոցին մէջ վիրահատական միջամտութիւն կատարեց եւ ուր յաջորդ տարիներուն այլ 10 անգամներ բուժում ստացաւ:

Բացի այդ, Յովհաննէս Պօղոս Բ պաշտօնական երեք այցելութիւն կատարած է այնտեղ 1984ին Հիւանդանոցի բակին մէջ պատարագ մատուցած է հիմնադիր Հայր Ակոսթինօ Ճեմելլիի մահուան 25ամեակի եւ Հիւանդանոցը անոր անունով կոչելու 20ամեակի առիով, 1988ին օրհնած է Հիւանդանոցի սրտային նոր բաժանմունքը, 2000ին Հռոմի Բժշկական ամպիոնի լսարանի մէջ մասնակցած է Կաթողիկէ Համալսարանի 2000-2001 ուսումնական տարուան բացումին:

13 Հոկտեմբեր 1996ին Յովհաննէս Պօղոս Բ Կիրակնօրեայ Մարեմեան աղօթքի ատեն իր յատուկ երախտագիտութիւնը յայտնած է Ճեմելլի Հիւանդանոցի, կամ իր խօսքերով «թիւ երեք Վատիկանի», ողջ անձնակազմին՝ «ցուցաբերած լաւ վերաբերմունքին համար»: Նշենք, որ «թիւ երկու Վատիկան» կը կոչուի Քահանայապետերու ամառային նստավայր Քասթել Կանտոլֆոն:

Աւելցնենք, որ Յովհաննէս Պօղոս Բ Պապի Հիւանդանոցին հետ իւրօրինակ կապի խորհրդանիշն է Անոր արձանը, որ 2009էն վեր կը սլանայ մուտքի դիմացի հրապարակին վրայ: Հեղինակն է իտալացի քանդակագործ Սթեֆանօ Պիերոթթին:

Պօղոս Զ և Պենետիկտոս ԺԶ Պապերը

Պօղոս Զ և Պենետիկտոս ԺԶ Պապերը Ճեմելլիի մէջ թէեւ բուժում չեն ստացած սակայն որպէս Քահանայապետեր այցելութիւններ կատարած են տարբեր առիթներով. Պօղոս Զ Պապը 17 Յունիս 1976ին Հիւանդանոցի բակի մէջ Սուրբ Պատարագ մատուցած է Յիսուսի Սուրբ Մարմնի եւ Արեան տօնին առիթով: Մինչ Պենետիկտոս ԺԶ տարբեր անգամներ այցելած է տեսակցելու այնտեղ բուժուող իր եղբօրը, բացի այդ, Բժշկական ամպիոնի լսարանի մէջ մասնակցած է Կաթողիկէ Համալսարանի 2005-2006 ուսումնական տարուան բացումին:

Ֆրանչիսկոս Պապը երկրորդ Քահանայապետն է, որ կը բուժուի Ճեմելլիի մէջ

Ֆրանչիսկոս Սրբազան Պապը երկրորդ Քահանայապետն է, որ բուժում կը ստանայ Ճեմելլի Հիւանդանոցին մէջ: Ինչպէս եւ Յովհաննէս Պօղոս Բ Պապի պարագային՝ Հիւանդանոցի տասներորդ յարկաբաժնի մէկ թեւը Անոր վերապահուած է:





Bu haber vaticannews kaynağından gelmektedir.

Haber metninde yer alan görüşler haber kaynağı (vaticannews) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(vaticannews). They do not purport to reflect the opinions or views of bolsohays.com
+