​Ցեղասպանութենէն Վերապրածներու Իրերը՝ Իլինոյի Ողջակիզման Թանգարանին Մէջ - Gündem
15 Ağustos 2018 - Հակական տոմար - Տարի : 4511 / Ամիս : Նավասարդ / Օր : Արամազդ / Ժամ : Զօրացեալ

Gündem :

27 Temmuz 2018  

​Ցեղասպանութենէն Վերապրածներու Իրերը՝ Իլինոյի Ողջակիզման Թանգարանին Մէջ

​Ցեղասպանութենէն Վերապրածներու Իրերը՝ Իլինոյի Ողջակիզման Թանգարանին Մէջ ​Ցեղասպանութենէն Վերապրածներու Իրերը՝ Իլինոյի Ողջակիզման Թանգարանին Մէջ
ՍփիւռքԻլինոյ նահանգի Ողջակիզման թանգարանին եւ կրթական կեդրոնին մէջ (The Illinois Holocaust Museum and Education Center) 19 Յուլիսին բացումը կատարուեցաւ «Փրկուածներու պատմութիւններ» խորագիրով ցուցահանդէսին, ուր ներկայացուած են նաեւ Հայոց Ցեղասպանութենէն վերապրածներու անձնական իրերը: Այս մասին կը հաղորդէ Hayernaysor.am-ը։

Թանգարանի կայքին վրայ կը նշուի, որ ցուցահանդէսին ներկայացուած են առաւել քան 60 անձնական իրեր, որոնք ցեղասպանութիւններէ փրկուածներ իրենց հետ բերած են Միացեալ Նահանգներ: Իւրաքանչիւր իր ներկայացուած է յայտնի վաւերագիր Ճիմ Լոմմասոնի լուսանկարով եւ մակագրուած՝ վերապրողին կամ անոր ընտանիքի անդամներուն ձեռագիրով:

Ներկայացուած իրերուն մէջ կան՝ պուպրիկ, ճամպրուկ, երիտասարդ մօր մը խոհարարական գիրքը, հարսանեկան հրաւիրատոմս, եւ այլն։ Անոնք «փրկուած» են վերապարածներու հետ, աշխարհի տարբեր հատուածներու մէջ տեղի ունեցած ցեղասպանութիւններէ, ներառեալ՝ Հայոց, Հրէական, Պոսնիոյ, Քամպոտիոյ, Իրաքի, Ռուանտայի, Հարաւային Սուտանի եւ այլն:

Ցուցահանդէսը, որուն կ՛աջակցի նաեւ Իլինոյի Հայ Դատի յանձնախումբը, պիտի շարունակուի մինչեւ 13 Յունուար 2019:



Bu haber ..... kaynağından gelmektedir.
www.bolsohays.com un görüşünü yansıtmaz.

Anket Tüm Anketler

+