Ստանպուլի Մայր Քաղաքապետի Զատկական Այցը - Gündem
28 Şubat 2024 - Հակական տոմար - Տարի : 4516 / Ամիս : Մեհեկան / Օր : Սիմ / Ժամ : Հրակաթն

Gündem :

17 Nisan 2023  

Ստանպուլի Մայր Քաղաքապետի Զատկական Այցը -

Ստանպուլի Մայր Քաղաքապետի Զատկական Այցը Ստանպուլի Մայր Քաղաքապետի Զատկական Այցը

Ն.Ա.Տ. Սահակ Բ. Պատրիարք Հայրը, 16 Ապրիլ 2023, Նոր Կիրակի, յետ միջօրէին, ընդունեց Ստանպուլի Մայր Քաղաքապետ Էքրէմ Իմամօղլուի Ս. Զատկի առթիւ այցելութիւնը։

Քաղաքապետ Իմամօղլուի կ’ընկերանային նախկին լիազօր դեսպան Նամըք Թան, Մայր Քաղաքապետութեան Ընդհանուր Քարտուղարի օգնական Մահիր Փօլաթ։ Իսկ Նորին Ամենապատուութեան քով ներկայ էին Հոգշ. Տ. Յովակիմ Աբղյ. Սերովբեան, Արժ. Տ. Տրդատ Աւ. Քհնյ. Ուզունեան, Արժ. Տ. Շիրվան Քհնյ. Միւրզեան, Ս. Աստուածածին Աթոռանիստ Մայր Եկեղեցւոյ Թաղային Խորհուրդի ատենապետ Հրանդ Մոսքոֆեանն ու անդամներ, Պատրիարքարանի Ընկերային Օժանդակութեան Յանձնախումբի ատենապետ Հերման Գավաֆեան։

Նորին Ամենապատուութիւնը բարի գալուստ մաղթեց Մեծայարգ Քաղաքապետ Իմամօղլուին եւ իր ուրախութիւնը յայտնեց զինք Պատրիարքարանի սրբազան յարկի ներքեւ տեսնելով։ Ըսաւ, որ այս օրերուն ինք աւելի ծանրաբեռնուած է, սակայն ընտրութիւններն ալ կարեւոր են։

Մեծայարգ Քաղաքապետը Նորին Ամենապատուութեան յայտնեց թէ կու գայ Ստանպուլի նման մեծ քաղաքի մը քաղաքապետի հանգամանքով շնորհաւորելու Հայոց Պատրիարքին եւ անոր անձին մէջ Հայ համայնքին Ս. Զատկի տօնը։ Ճիշդ է, որ դժուար ժամանակներ են եւ տարւոյն սկիզբի երկրաշարժները ցաւ պատճառեցին բոլորիս։ Եւ ինք Ստանպուլի Մայր Քաղաքապետի հանգամանքով կը ջանայ առաւելագոյնը ընել, որպէսզի մեր ժողովուրդը աւելի լաւ պայմաններու ներքեւ ապրի։

Մեծայարգ հիւրը իր խօսքի աւարտին ըսաւ, որ չի սիրեր «փոքրամասնութիւն» բառը եւ եկած է այս երկրին բնական տարրերուն՝ Հայերու Ս. Զատիկը շնորհաւորելու։

Սիրալիր տեսակցութեան աւարտին, Նորին Ամենապատուութիւնը զատկական կարմիր հաւկիթ նուիրեց Մայր Քաղաքապետ Իմամօղլուին եւ յաջողութիւն մաղթեց իր ծառայութեան մէջ։





Bu haber trhaybad kaynağından gelmektedir.

Haber metninde yer alan görüşler haber kaynağı (trhaybad) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(trhaybad). They do not purport to reflect the opinions or views of bolsohays.com
+