Այլեւայլ : Երջանիկ Մարդու Սովորութիւնները
26 Eylül 2020 - Հակական տոմար - Տարի : 4513 / Ամիս : Հոռի / Օր : Նպատ / Ժամ : Խաւարակ

Այլեւայլ : Երջանիկ Մարդու Սովորութիւնները

Այլեւայլ

Այլեւայլ Tüm yazılarını göster..

18 Kasım 2016 Bu haber 1.011 kez okundu.  

Երջանիկ Մարդու Սովորութիւնները

Ուրախութիւնը վարակիչ է: «Ֆրամինկհամ հարթ սթատ»-ի հետազօտողները, որոնք աւելի քան 20 տարիէ կը զբաղին «երջանկութեան տարածում» երեւոյթի ուսումնասիրութեամբ, յայտնաբերած են, որ անոնք, որոնք երջանիկ մարդոցմով շրջապատուած են, մեծ հաւանականութիւն կայ, որ ապագային իրենք ալ երջանիկ մարդիկ կը դառնան: Ատիկա լաւ պատճառ է անընդհատ գանգատող ընկերներու թիւը կրճատելու եւ կենսուրախ մարդոցմով շրջապատուելու համար:

Հետազօտող հոգեբանները կ՛ըսեն.

Անոնք կը ժպտին
Նոյնիսկ եթէ դուք ձեզ ուրախ չէք զգար, մտածեցէ՛ք որեւէ լաւ բանի մասին ու ժպտեցէ՛ք այդ մասին մտածելով: Ատիկա պիտի օգնէ: Բայց կարեւորը` մի՛ ձեւացնէք: Եթէ դուք ժպտիք, բայց միաժամանակ վատ բանի մասին մտածէք, աւելի վատ կը զգաք:

Անոնք կը զարգացնեն վերականգնման ունակութիւն
Ոչ թէ երջանկութիւնը, այլ վերականգնելու այդ ունակութիւնն է ընկճուածութեան յատկանիշը: Երջանիկ մարդիկ գիտեն, թէ ինչպէ՛ս ուշքի գան ցնցումներէ ետք: Ատիկա իւրայատուկ զէնք է անխուսափելի անախորժութիւններու դէմ, որոնք կան բոլորին կեանքին մէջ:

Անոնք կը ձգտին երջանիկ ըլլալ
Այո՛, ատիկա նոյնքան դիւրին է, որքան կը հնչէ, պարզապէս ձգտելով երջանիկ ըլլալ` կարելի է բարձրացնել ներքին զգացումը:

Անոնք ուշադիր են լաւ բաներու նկատմամբ
Երջանիկ մարդիկ ուշադիր են ոչ միայն մեծ նուաճումներու, այլ փոքր յաղթանակներու հանդէպ: Երբ մենք ժամանակ կը յատկացնենք լաւ մանրուքները նկատելու համար, մենք կը ստանանք աւելի մեծ զգացմունքային պաշար, որուն շնորհիւ մեր կորովը կը բարձրանայ օրուան ընթացքին:

Անոնք կը գնահատեն պարզ հաճոյքները
Հանրային պարտէզին մէջ պաղպաղակ ուտելը, շունը շոյելը, ծիածան տեսնելը… երջանիկ մարդիկ կը գնահատեն նման բաները: Երջանկութիւնը մանրուքներու մէջ գտնելը եւ ամէն բանի համար շնորհակալ ըլլալը ուղիղ ճամբայ է դէպի երջանկութիւն:

Անոնք կը սիրեն ոչ միայն առնել, այլեւ տալ
Դրական տրամադրուած մարդիկ իրենց ծանրաբեռնուած ատեն ալ կրնան ժամանակ գտնել բարի գործ ընելու համար, որովհետեւ գիտեն, որ այդ բարիքը օր մը իրենց կը վերադառնայ եւ ուրախութիւն կը պարգեւէ: Կամաւոր աշխատանքը կամ պարզապէս անշահախնդիր բարի արարքները լաւ կ՛անդրադառնան ե՛ւ հոգեւոր, ե՛ւ ֆիզիքական առողջութեան վրայ, եւ նման մարդիկ աւելի հազուադէպօրէն ընկճուածութեան մէջ կ՛իյնան:

Անոնք ունակ են կորսնցնելու ժամանակի զգացողութիւնը
Երբ դուք ծանրաբեռնուած էք որեւէ կարեւոր ու բարդ բանով, դուք կը կորսնցնէք ժամանակի զգացողութիւնը: Երջանիկ մարդիկ ենթագիտակցաբար կը փնտռեն նման զբաղում, որ անոնց առջեւ յստակ նպատակներ կը դնէ, մարտահրաւէր կը դառնայ, որպէսզի յայտնուին այսպէս կոչուած «ժամանակի հոսքի» մէջ, որ յաջողութեան զգացողութիւն կը յառաջացնէ:

Անոնք յարաբերութիւնը կը նախընտրեն թեթեւ շատախօսութենէ
Ոեւէ մէկուն հետ թեթեւ նիւթերու շուրջը մէկ-երկու բառ փոխանակելու մէջ ոչ մէկ վատ բան կայ, բայց լուրջ հարցերու շուրջը երկար զրոյցները հրաշալի կարելիութիւն են ուրախ եւ երջանիկ զգալու համար: Ատիկա նաեւ աւելի մեծ բաւականութիւն կը պատճառէ, քան` դատարկ զրոյցները: Մահացող մարդոց գլխաւոր զղջումներէն մէկը ասիկա է. «Ափսոս, որ իմ զգացումներուս մասին խօսելու համարձակութիւն չեմ ունեցած»:

+