Այլեւայլ : ​Մեր Առօրեան Դիւրացնող Հնարքները. Կիտրոնը Օգտագործելու 10 Հետաքրքրական Տարբերակներ
26 Eylül 2020 - Հակական տոմար - Տարի : 4513 / Ամիս : Հոռի / Օր : Նպատ / Ժամ : Արփող

Այլեւայլ : ​Մեր Առօրեան Դիւրացնող Հնարքները. Կիտրոնը Օգտագործելու 10 Հետաքրքրական Տարբերակներ

Այլեւայլ

Այլեւայլ Tüm yazılarını göster..

26 Mart 2017 Bu haber 1.471 kez okundu.  

​Մեր Առօրեան Դիւրացնող Հնարքները. Կիտրոնը Օգտագործելու 10 Հետաքրքրական Տարբերակներ

Կիտրոնը` որպէս մաքրող հեղուկ: Կիտրոնը կեղուել, կտրտել, վրան 150 մլ. քացախ աւելցնել եւ ամբողջ գիշեր մը պահել: Յաջորդ օրը քամոցէ անցընել եւ փոխադրել սփռիչ շիշի մէջ, աւելցնել 150 մլ. ջուր, կիտրոնին կեղեւները եւ անանուխի մէկ-երկու տերեւ: Այս հեղուկով կարելի է մաքրել սառնարանը, մանրալիքը, խոհանոցի սեղանը, ծորակները, ապակին…

Խոհանոցի աշխատանքի տախտակը մաքրելու եւ հականեխելու լաւագոյն միջոցը, զայն կիսուած կիտրոնով եւ սոտայով կամ աղով շփելն է:

Պղնձեայ իրերը մաքրելու համար զանոնք շփել կիսուած կիտրոնի կտորով մը, որուն վրայ աղ ցանուած ըլլայ:

Տան ծորակները փայլեցնելու համար նոյնպէս օգտագործել կիսուած կիտրոնի կտոր մը:

Եղունգները մաքրելու եւ զօրացնելու համար զանոնք շփել կիտրոնով:

Դէմքին վրայի մութ արատները թեթեւցնելու կամ չքացնելու համար զանոնք օրական օծել կիտրոնի հիւթով:

Սառնարանէն տհաճ հոտերը չքացնելու համար օգտագործել կիտրոնի հիւթի մէջ թաթխուած սպունգի կամ լաթի կտոր մը:

Գիշերը մարզանքի կօշիկներուն մէջ կիտրոնի կեղեւ զետեղելով` կարելի է զանոնք ձերբազատել տհաճ հոտերէն:

Տան օդը մաքրելու եւ անուշ բոյր սփռելու համար կիսուած կիտրոններու վրայ մեխակի գամեր մխրճել եւ ապա եռացած ջուրի մէջ 5 վայրկեան խաշել… կիտրոնին բոյրը նաեւ տրամադրութիւնը կը բարձրացնէ:

Կարելի է կիտրոնի կեղեւները վերածել սիրուն մոմակալներու: Կիտրոնը կիսել, միջուկը փորել հանել, ապա մէջը փոքրիկ մոմ մը զետեղել: «Մոմակալ»-ը զետեղել պնակի մը կեդրոնը եւ շուրջը զարդարել խնկունիի եւ այլ ճիւղերով:


Պատրաստեց՝ ՇՈՒՇԻԿ ՄԱՒԻՍԱԳԱԼԵԱՆ




+