Մանկական Խնամք. Երեխային Տեսողութիւնը Պահպանող Օգտակար Մթերքներ

Տարատեսակ ելեկտրոնային գործիքներու յաճախակի գործածութիւնը կրնայ շատ վատ անդրադառնալ երեխաներու տեսողութեան, հետեւաբար նման սարքերու գործածութիւնը վերահսկողութեան տակ պահելը շատ կարեւոր է փոքրիկներու տեսողութեան պահպանման համար. ասոր կողքին շատ կարեւոր է նաեւ երեխային սննդակարգը:

Մասնագէտներ ներկայացուցած են 5 սննդամթերք, որոնց յաճախակի օգտագործումը դրական ազդեցութիւն կ՛ունենայ երեխային տեսողութեան վրայ եւ կը պաշտպանէ հետագայ բարդութիւններէ:

Ձուկը
Օմեկա 3-ով հարուստ սալմոնը, թոնը կ՛օգնեն պահպանելու աչքերուն բնական խոնաւութիւնը եւ կը նուազեցնեն հետագային քաթարաքթի եւ աչքի կապուած այլ հիւանդութիւններու զարգացումը:

Կանաչ Տերեւով Բանջարեղէնները
Կաղամբը, շոմինը, բանջարը եւ պրոքոլին օժտուած են հակաօքսիտային յատկութիւններով. ասոնք թէ՛ կ՛ապահովեն աչքերուն առողջութիւնը եւ թէ կը նուազեցնեն տարիքի հետ կապուած աչքի հիւանդութիւններու զարգացումը:

Հաւկիթը
Ա. կենսանիւթով հարուստ հաւկիթը կ՛օգնէ կանխելու հաւկուրութիւնն ու աչքերու չորութիւնը: Իսկ հաւկիթին դեղնուցին մէջ առկայ «քարոթենոիտ»-ները կ՛ապահովեն անոնց առողջութիւնը:

C (Սէ) Կենսանիւթով Հարուստ Պտուղները
Նարինջը, մանտարինը, բոմելոն, կրիֆոնը` շնորհիւ Սէ. կենսանիւթին, կ՛ամրապնդեն երեխային դիմադրողականութիւնը աչքերու վարակներու եւ այլ հիւանդութիւններու նկատմամբ:

Ընկուզեղէնը
Աչքերու առողջութեան պահպանման համար հարկաւոր է երեխային սննդակարգին անպայման ներառել նուշ, ընկոյզ, կաղին եւ այլն… Էօ. կենսանիւթով հարուստ ընկուզեղէնները մեծապէս կ՛օգնեն երեխային տեսողութեան պահպանման: