Հայաստանի ֆութպոլի ֆետերասիոնը ամփոփած է «Տարուայ լաւագոյն ֆութպոլիստ» անուանակարգի 2016 թուականի քուէարկութեան արդիւնքները:

Հաւաքելով 245 միաւոր` Հայաստանի 2016-ի լաւագոյն ֆութպոլիստ ճանչցուած է «Մանչեսթըր եունայթըտ»-ի կիսապաշտպան Հենրիխ Մխիթարեան, որ 7-րդ անգամ եւ 6-րդ տարին անընդմէջ կ՛արժանանայ նման պատիւի: Ընդհանուր առմամբ, 50 քուէարկողներէն 49-ը Մխիթարեանի անունը նշած են առաջին տեղը:

56 միաւորով երկրորդ տեղը կը գրաւէ փորթուկալական «Մարիթիմու»-ի կիսապաշտպան Գէորգ Ղազարեան, որուն անունը 17 անգամ նշուած է երկրորդ, 5 անգամ` երրորդ տեղը:

45 միաւորով երրորդը յայտնուած ԱՄԷ-ն ներկայացնող «Ալ-ֆուճեյրա» ակումբի կիսապաշտպան Մարկոս Պիզելին, որուն անունը 11 անգամ նշուած է երկրորդ, 12 անգամ` երրորդ տեղը:

�