​Քիրիլ Պատրիարքին, Գարեգին Բ. Ամենայն Հայոց Կաթողիկոսին եւ Արամ Ա. Վեհափառին շնորհաւորական պատգամներ - Հայերէն
30 Kasım 2021 - Հակական տոմար - Տարի : 4514 / Ամիս : Տրե / Օր : Գիշերավար / Ժամ : Հրակաթն

Հայերէն :

07 Ekim 2021  

​Քիրիլ Պատրիարքին, Գարեգին Բ. Ամենայն Հայոց Կաթողիկոսին եւ Արամ Ա. Վեհափառին շնորհաւորական պատգամներ -

​Քիրիլ Պատրիարքին, Գարեգին Բ. Ամենայն Հայոց Կաթողիկոսին եւ Արամ Ա. Վեհափառին շնորհաւորական պատգամներ ​Քիրիլ Պատրիարքին, Գարեգին Բ. Ամենայն Հայոց Կաթողիկոսին եւ Արամ Ա. Վեհափառին շնորհաւորական պատգամները Ռաֆայէլ Պետրոս ԻԱ.ին

Քիրիլ Պատրիարքին մաղթանքը. «Դարեր առաջ երկու եկեղեցիներուն միջև հաստատուած լաւ յարաբերութիւնները շարունակուին»։Գարեգին Բ. «Առողջութիւն եւ գործոց յաջողութիւններ ի շինութիւն հաւատաւոր հօտի հոգեւոր կեանքին»։ Արամ Ա. «Մենք ունեցած ենք սերտ գործակցութեան ու սիրալիր յարաբերութիւն»

Տանն Կիլիկիոյ Կաթողիկէ Հայոց Կաթողիկոս Պատրիարք` Ամենապատիւ եւ գերերջանիկ Տէր Տէր Ռաֆայէլ Պետրոս ԻԱ.ի ընտրութեան առթիւ աշխարհի տարբեր վայրերէն կը շարունակուին հասնիլ եկեղեցական, քաղաքական ու քաղաքացիական աշխարհի ներկայացուցիչներուն բարեմաղթութիւնները, որոնց շարքին նաեւ Մոսկուայի եւ Համայն Ռուսիոյ Պատրիարք Քիրիլ Պատրիարքին շնորհաւորագիրը, որուն մէջ Ան ի մէջ այլոց նշած է` թէ Եպիսկոպոսներու սինոդի որոշումը, քրիստոնէական Արեւելքի եւ համայն աշխարհի համար այս բարդ ժամանակներու ընթացքին, «կը վկայեն բարձր գնահատականի մասին ձեր եկեղեցական ծառայութեան, ներառեալ որպէս Հայ Կաթողիկէներու առաջնորդ` Հայաստանի, Վրաստանի, Ռուսաստանի և Արևելեան Եւրոպայի»։

Քիրիլ Պատրիարքին մաղթանքը. «Դարեր առաջ երկու եկեղեցիներուն միջև հաստատուած լաւ յարաբերութիւնները շարունակուին»։

Պատրիարքը յիշած է նաեւ երջանկայիշատակ Ներսէս Պետրոս ԺԹ-րդ Կաթողիկոս Պատրիարքին` Ռուսաստան կատարած այցը յոյս յայտնելով որ «դարեր առաջ երկու եկեղեցիներու միջև հաստատուած լաւ յարաբերութիւնները շարունակուին», Ան ապա նորընտիր Պատրիարքին մաղթած է «քաջառողջութիւն և Աստուծոյ օգնութիւնը` անոր ապագայ վեհ և պահանջկոտ ծառայութեան մէջ»:

Գարեգին Բ. «Առողջութիւն եւ գործոց յաջողութիւններ ի շինութիւն հաւատաւոր հօտի հոգեւոր կեանքին»։

Մինասեան Պատրիարքին շնորհաւորական պատգամ փոխանցողներէն առաջիններէն մին եղաւ Գարեգին Բ. Ամենայն Հայոց Կաթողիկոսը, որ «Առ Աստուած աղօթքով» կը հայցէ Սուրբ Հոգիին առաջնորդութիւնը, որպէսզի «Տիրոջ օգնականութեամբ Անոր սպասաւորութիւնը ծառայէ` Հայ Կաթողիկէ Եկեղեցւոյ պայծառութեանը, մեր ժողովուրդի հոգեւոր կեանքի միասնականութեան ամրապնդման ու զօրացմանը»։

Գարեգին Բ-ն ալ մաղթած է առողջութիւն եւ գործոց յաջողութիւններ` ի շինութիւն անոր խնամքին յանձնուած հաւատաւոր հօտի հոգեւոր կեանքին»

Արամ Ա. «Մենք ունեցած ենք սերտ գործակցութեան ու սիրալիր յարաբերութիւն»

Իր կարգին Մեծի Տանն Կիլիկիոյ Կաթողիկոս Արամ Ա.ը իր հոգեկան ուրախութեամբ ու եղբայրական սիրով ողջունած է Ռաֆայէլ Պետրոս ԻԱ. ընտրութիւնը մատնանշելով իրենց միջեւ գոյութիւն ունեցող «սերտ գործակցութեան ու սիրալիր յարաբերութեան, հիմնուած` հոգեւոր ու ազգային հասարակաց արժէքներու ու իտէալներու վրայ»։

«Վստահ ենք, որ քրիստոնէական սիրով, ազգային վառ ապրումներով ու գործակցական ոգիով պիտի շարունակուին Մեծի Տանն Կիլիկիոյ կաթողիկոսութեան եւ Հայ Կաթողիկէ Պատրիարքութեան ինչպէս նաեւ մեր անձնական յարաբերութիւնը» նշած է Վեհափառ Հայրապետը իր նամակին մէջ մաղթելով Աստուծոյ օրհնութեամբ լեցուն ծառայական բեղմնաւոր տարիներ»։







Bu haber vaticannews kaynağından gelmektedir.

Haber metninde yer alan görüşler haber kaynağı (vaticannews) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(vaticannews). They do not purport to reflect the opinions or views of bolsohays.com
+