Թեքսասի Հայկական Եկեղեցին կ՛ընտրուի Ամերիկայի 2022ի լաւագոյն շինութիւնը - Հայերէն
28 Mart 2024 - Հակական տոմար - Տարի : 4516 / Ամիս : Արեգ / Օր : Սիմ / Ժամ : Առագոտ

Հայերէն :

03 Şubat 2023  

Թեքսասի Հայկական Եկեղեցին կ՛ընտրուի Ամերիկայի 2022ի լաւագոյն շինութիւնը -

Թեքսասի Հայկական Եկեղեցին կ՛ընտրուի Ամերիկայի 2022ի լաւագոյն շինութիւնը Թեքսասի Հայկական Եկեղեցին կ՛ընտրուի Ամերիկայի 2022ի լաւագոյն շինութիւնը

«Ճարտարապետ Տէյվիտ Հոթսընի կողմէ նախագծուած եկեղեցին դարերու խորքէն եւ հազարաւոր մղոններու հեռաւորութենէն կը կապուի հայկական աւանդոյթներուն եւ հայ ժողովուրդին հետ»World-Architects կայքը հրապարակած է 2022ի Միացեալ Նահանգներու լաւագոյն շինութիւններու ցանկը, որուն մէջ առաջին տեղը գրաւած է Թեքսասի Տալաս քաղաքի արուարձաններէն Քերըլթընի Ս. Սարգիս հայկական եկեղեցին:

«Ճարտարապետ Տէյվիտ Հոթսընի կողմէ նախագծուած եկեղեցին դարերու խորքէն եւ հազարաւոր մղոններու հեռաւորութենէն կը կապուի հայկական աւանդոյթներուն եւ հայ ժողովուրդին հետ», կը գրէ կայքը՝ նշելով, որ եկեղեցին օծուած է անցեալ տարուան 23 Ապրիլին, իսկ այնտեղ առաջին կիրակնօրեայ աղօթքը կատարուած է 24 Ապրիլին՝ Հայոց Ցեղասպանութեան օրը: «Փոքր եկեղեցին, այլ նախագիծերու հետ համեմատած՝ հեռու է Հայաստանէն առաւել քան 7000 մղոն, բայց եկեղեցւոյ համայնքի անդամներէն շատեր այն հայերուն ժառանգներն են, որոնք փախուստ տուած էին երկրէն Համաշխարհային Ա պատերազմի օրերուն», կը նշէ կայքը:

Եկեղեցին կառուցուած է Երեւանէն քանի մը քլմ. հեռու գտնուող եւ 7րդ դարուն կառուցուած Ս. Հռիփսիմէ եկեղեցւոյ օրինակով: Եկեղեցւոյ վրայ պատկերուած հայկական «կենաց ծառ»ը, որ նուիրուած է Հայոց Ցեղասպանութեան զոհերուն՝ բաղկացած է 1.5 միլիոն շրջանակաձեւ պատկերներէ, որոնցմէ իւրաքանչիւրը եզակի է, ինչպէս մէկ դար առաջ խլուած կեանքերը:

Հոթսըն կը յայտնէ, թէ զգացուած է, որ իր նախագծած շինութիւնը արժանացած է նման բարձր պատիւի՝ ըսելով. «Ինծի համար մեծ պատիւ է, որ հայկական եկեղեցին նման կոչումի մը արժանացած է. զայն կ՛ուզեմ կիսել բոլոր խումբին, նախագիծին օգտին քուէարկողներուն եւ հայկական համայնքի այն ներկայացուցիչներուն հետ, որոնց համար ասիկա մեծ նշանակութիւն ունի»: Ան նաեւ ցաւ կը յայտնէ, թէ մինչ Հայոց Ցեղասպանութեան նուիրուած եկեղեցին կը մեծարուի, այս օրերուն իսկ կը շարունակուի հայերու հալածանքը՝ մատնանշելով Արցախի պաշարումը։





Bu haber vaticannews kaynağından gelmektedir.

Haber metninde yer alan görüşler haber kaynağı (vaticannews) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(vaticannews). They do not purport to reflect the opinions or views of bolsohays.com

Diğer Haberler

+