Հռոմի պապը հայ հովվապետերի հետ հանդիպմանն անդրադարձել է Արցախից բռնագաղթածներին - Հայերէն
20 Nisan 2024 - Հակական տոմար - Տարի : 4516 / Ամիս : Ահեկան / Օր : Արագած / Ժամ : Առագոտ

Հայերէն :

01 Mart 2024  

Հռոմի պապը հայ հովվապետերի հետ հանդիպմանն անդրադարձել է Արցախից բռնագաղթածներին -

Հռոմի պապը հայ հովվապետերի հետ հանդիպմանն անդրադարձել է Արցախից բռնագաղթածներին Հռոմի պապը հայ հովվապետերի հետ հանդիպմանն անդրադարձել է Արցախից բռնագաղթածներին

Փետրվարի 28-ը՝ Սբ. Գրիգոր Նարեկացու գրական հիշատակի օրը, Հռոմի Ֆրանցիսկոս պապը ընդունել է Վատիկան ժամանած Հայ Կաթողիկե եկեղեցու Սինոդի անդամներին՝ պատրիարք Ամենապատիվ Ռաֆայել Պետրոս(Մինասյան) XXI-ի գլխավորությամբ։ Այս մասին հայտնում է Վատիկանի ռադիոն։

«Պահքի սուրբ ժամանակներում պետք է նայել Խաչին և ապավինել Քրիստոսին, ով ներողամտությամբ ու սիրով բուժում է վերքերը։ Եպիսկոպոսները հրավիրված են աղոթքով բարեխոսելու բոլորի համար: Հայ Եկեղեցին, որ Քրիստոսի լույսը բերեց իր ժողովրդին, պետք է լինի քրիստոնեական մարգարեության լույսի վկան ու «առաջնեկը» ատելության ու բռնության խավարով պարուրված աշխարհում։ Ու թեև հայ կաթոլիկները շատ չեն, բայց «Աստված փոքրերի հետ է հրաշքներ գործում»,-նշել է Հռոմի պապը։

«Ձերդ երանություն, սիրելի եղբայրներ, ինչպե՞ս կարելի է բառերով, առաջին հերթին աղոթքով չհիշել Հայաստանը, հատկապես Լեռնային Ղարաբաղից գաղթած բոլոր փախստականներին, ապաստան փնտրող ներքին տեղահանվածների բազմաթիվ ընտանիքներին:

Առաջին համաշխարհային պատերազմը պետք է լիներ վերջինը, և պետությունները միավորվեցին Ազգերի լիգայում՝ ՄԱԿ-ի իրավանախորդին՝ հավատալով, որ դա բավարար կլինի խաղաղության պարգևը պահպանելու համար: Սակայն այդ ժամանակից ի վեր եղել են բազմաթիվ հակամարտություններ ու ջարդեր, ինչպես միշտ՝ ողբերգական ու անիմաստ։ Քանի՞ անգամ եմ բարձարաձայնել՝ բավական է։ Եկեք բոլորս միասին կրկնենք խաղաղության այս կոչը, որպեսզի այն դիպչի նույնիսկ նրանց սրտերին, ովքեր անզգա են աղքատների և խոնարհների տառապանքների հանդեպ: Առաջին հերթին եկեք աղոթենք։ Ես սա անում եմ ձեր և Հայաստանի համար և խնդրում եմ, հիշեք ինձ»,- նշել է Սրբազան Քահանայապետը:





Bu haber new kaynağından gelmektedir.

Haber metninde yer alan görüşler haber kaynağı (new) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(new). They do not purport to reflect the opinions or views of bolsohays.com

Diğer Haberler

+