Սպանիոյ Թոլետօ գաւառին մէջ` Ուրտա քաղաքէն ոչ հեռու, երէկ առաւօտեան երկու արագընթաց շոգեկառքեր իրարու բախեցան, կը հաղորդէ «Ատիֆ» պետական ընկերութիւնը, որ Սպանիոյ երկաթուղիներու սեփականատէրը եւ կառավարիչն է: Քասթիլիա-Լա-Մանչիի կառավարութիւնը կը հաղորդէ 68 զոհերու մասին: Եւս շուրջ 80 մարդիկ մարմնական վնասուածքներ ստացած են, անոնցմէ 15-ին վիճակը ծայրայեղ ծանր է:

Երկաթուղային աղէտը տեղի ունեցաւ «Ռենֆէ» եւ «Իրիօ» ընկերութիւններու շոգեկառքերուն մասնակցութեամբ, որոնք կ՛ընթանային Մատրիտ-Սեւիլիա երթուղիով: Փոխադրութեան նախարարութեան նախնական տուեալներով` «Ռենֆէ»-ի շոգեկառքը հարուածած է «Իրիօ»-ի շոգեկառքի յետնամասին, եւ երկու վակոններ երկաթուղիէն դուրս եկած են: