Գերմանիա Թուրքիոյ Կոչ Կ՛ուղղէ Երկկողմանի Յարաբերութիւններուն Յաւելեալ Վնաս Պատճառելէ Զգուշանալու - Հայերէն
08 Temmuz 2020 - Հակական տոմար - Տարի : 4512 / Ամիս : Հրոտից / Օր : Միհր / Ժամ : Հոթապեալ

Հայերէն :

22 Mart 2017  

Գերմանիա Թուրքիոյ Կոչ Կ՛ուղղէ Երկկողմանի Յարաբերութիւններուն Յաւելեալ Վնաս Պատճառելէ Զգուշանալու

Գերմանիա Թուրքիոյ Կոչ Կ՛ուղղէ Երկկողմանի Յարաբերութիւններուն Յաւելեալ Վնաս Պատճառելէ Զգուշանալու Գերմանիա Թուրքիոյ Կոչ Կ՛ուղղէ Երկկողմանի Յարաբերութիւններուն Յաւելեալ Վնաս Պատճառելէ Զգուշանալու

Գերմանիա Թուրքիոյ կոչ ուղղեց իր յայտարարութիւնները մեղմացնելու եւ երկկողմանի յարաբերութիւններուն յաւելեալ վնաս պատճառելէ զգուշանալու:

Յիշեցնենք, որ Թուրքիոյ նախագահ Ռեճեփ Թայիփ Էրտողան Գերմանիոյ վարչապետ Անկելա Մերքելը ամբաստանած էր Գերմանիոյ մէջ թուրքերու եւ հանրաքուէի քարոզարշաւ կատարող թուրք պաշտօնատարներու դէմ «նացիական գործելաոճ կիրարկելու» յանցանքով:

Մերքել Հանովըրի մէջ առեւտրական փառատօնի մը ընթացքին իր արտասանած խօսքին մէջ` անդրադառնալով թուրք-գերմանական լարուած յարաբերութիւններուն, ըսաւ. «Տակաւին ի զօրու է իմ այն յայտարարութիւնս, թէ Թուրքիոյ կողմէ հնչող նացիներու հետ համեմատութիւնները պէտք է դադրին: Առանց «եթէ»-ի կամ «սակայն»-ի: Դժբախտաբար այդ համեմատութիւնները չեն դադրած, եւ մենք պիտի չարտօնենք, որ «նպատակը կ՛արդարացնէ միջոցը» պատրուակը քանդէ ամէն թապու` անտեսելով նացիներուն կողմէ հալածուածներուն ու սպաննուածներուն տառապանքը»:

Գերմանիոյ արտաքին գործոց նախարար Զիկմար Կապրիէլ իր կարգին շեշտեց, որ Թուրքիոյ հետ ներկայ լարուած յարաբերութիւնները պէտք չէ ազդեն Գերմանիոյ մէջ քաղաքացիներու համակեցութեան վրայ:

Կապրիէլ թրքական ծագումով գործարարներու հետ հանդիպումի մը ընթացքին մտավախութիւն յայտնեց, որ Գերմանիա-Թուրքիա կամ Եւրոպական Միութիւն-Թուրքիա ներկայ տարակարծութիւնները ժխտական անդրադարձ ունենան Գերմանիոյ մէջ գոյութիւն ունեցող թրքական համայնքին վրայ: Ան կոչ ուղղեց այդպիսի զարգացում մը կանխարգիլելու բոլոր միջոցառումները որդեգրելու:

«Պէտք է բոլորս աշխատանք տանինք զգուշանալու Գերմանիոյ թուրք համայնքին վրայ Պերլինի եւ Անգարայի կառավարութիւններուն միջեւ գոյութիւն ունեցող տարակարծութիւններու ժխտական ազդեցութիւններէն: Գերմանիոյ մէջ բնակող թուրքերը մեծ ջանքեր թափեցին եւ մեր երկրի տնտեսութեան բարգաւաճման մասնակից դարձան», շեշտեց ան:



Bu haber .... kaynağından gelmektedir.

Haber metninde yer alan görüşler haber kaynağı ve yazarına ait olup,
Bolsohays.com sitesi haber hakkına herhangi bir görüş üstlenmemektedir.
+