Ռուսիոյ արտաքին գործոց նախարար Սերկէյ Լաւրով յայտնեց. «Միացեալ Նահանգներն ու Ռուսիան Սուրիոյ մէջ լարուածութեան մեղմացման գօտիներու հաստատման ընթացքին պիտի երաշխաւորեն, որ Իսրայէլի շահերը նկատի առնուին»:

Նախապէս Իսրայէլի վարչապետ Պենիամին Նեթանիահու յայտարարած էր, որ իր երկիրը կը մերժէ հարաւային Սուրիոյ մէջ զինադադարին վերաբերեալ ռուս-ամերիկեան համաձայնութիւնը, որովհետեւ անիկա Սուրիոյ մէջ իրանեան ներկայութիւնը կ՛երկարաձգէ:

Նշենք, որ ամերիկեան «Ֆորէյն Փոլիսի» պարբերաթերթին համաձայն, ռուս-ամերիկեան համաձայնութիւնը կ՛երաշխաւորէ, որ Հըզպալլա հեռու պահուի Կոլանի բարձունքներէն: