​Եկեղեցին իր զօրակցութիւնը ժողովուրդին նկատմամբ պէտք է գործնապէս արտայայտէ - Հայերէն
30 Eylül 2020 - Հակական տոմար - Տարի : 4513 / Ամիս : Հոռի / Օր : Գիշերավար / Ժամ : Մթացեալ

Հայերէն :

29 Ocak 2020 - Bu haber 252 kez okundu.  

​Եկեղեցին իր զօրակցութիւնը ժողովուրդին նկատմամբ պէտք է գործնապէս արտայայտէ

​Եկեղեցին իր զօրակցութիւնը ժողովուրդին նկատմամբ պէտք է գործնապէս արտայայտէ ​Եկեղեցին իր զօրակցութիւնը ժողովուրդին նկատմամբ պէտք է գործնապէս արտայայտէ
28 Յունուար 2020-ին, Պքէրքէի Մարոնիթ Պատրիարքարանին մէջ տեղի ունեցաւ Լիբանանի հոգեւոր պետերու հանդիպումը: Հանդիպման նպատակն էր քննել Լիբանանէն ներս վերջին երեք ամիսներուն տեղի ունեցող ժողովրդային ցոյցերը, յատկապէս ժողովրդին պահանջքները եւ պարզել եկեղեցւոյ տեսակէտը: Ներկայ հոգեւոր պետերը իրենց մօտեցումները արտայայտեցին, բնականաբար ընդգծելով եկեղեցւոյ դիրքորոշումը երկրէն ներս ստեղծուած կացութեան եւ ժողովրդային պահանջքներու գծով:

Խօսք առաւ նաեւ Վեհափառ Հայրապետը եւ ընդհանուր գծերով ներկայացնելէ յետոյ Լիբանանը դիմագրաւող վտանգալից մարտահրաւէրները, շեշտեց՝ թէ «ճիշդ չէ ընդհանրութիւններու մէջ մնալ, անհրաժեշտ է եկեղեցւոյ տեսակէտը յստակօրէն արտայայտել: Եկեղեցին ժողովուրդին ձայնն է, անոր սպասումներուն ու կամքին արտայայտութիւնը: Ժողովուրդը ընդվզած է անարդարութեան ու փտածութեան նկատմամբ: Վստահութեան պակաս մը կայ ժողովուրդին մօտ քաղաքական իշխանութեան նկատմամբ: Եկեղեցին պէտք է զգուշացնէ քաղաքական պատասխանատուները, որպէսզի անոնք ժողովուրդի պահանջքներուն գոհացում տան՝ գործնական քայլերու դիմելով»:

Վեհափառ Հայրապետը միաժամանակ զգուշացուց, թէ «բռնարարքները կրնան ժողովրդային յեղափոխութեան բնոյթը փոխել»: Ան նաեւ շեշտեց, որ «կառավարութեան վստահութիւն ու նեցուկ պէտք է տալ, որպէսզի ան կարենայ շուտով աշխատանքի լծուիլ»: Նորին Սրբութիւնը շեշտեց, որ «անհրաժեշտ է համայնքային զգայնութիւններ ստեղծող արտայայտութիւններէ ու քայլերէ հեռու մնալ» եւ ընդգծեց «ներքին միասնականութեան պահպանման հրամայականը»:

Իր խօսքի աւարտին Վեհափառ Հայրապետը առաջարկեց, որ «կոչ մը ուղղուի Լիբանանեան սփիւռքին, արաբական աշխարհին եւ միջազգային համայնքին, որպէսզի նեցուկ կանգնին Լիբանանին, յատկապէս տնտեսական մարզէն ներս»:




Bu haber arm....rch kaynağından gelmektedir.

Haber metninde yer alan görüşler haber kaynağı ve yazarına ait olup,
Bolsohays.com sitesi haber hakkına herhangi bir görüş üstlenmemektedir.

Diğer Haberler

+