Սուրբ Պետրոս հրապարակի վրայ համախմբուած հազարաւոր ուխտաւորները որոնց աչքերը անընդհատ սեւեռած էին Սիքստինեան Մատուռի տանիքին վրայ տեղադրուած ծխնելոյզին յուզմունքով լեցուած սկսան ծափահարել, մինչ ոմանք ծունկի եկած սկսան աղօթել ու նոյնը ըրին արդի միջոցներով աշխարհի տարբեր վայրերէն, Սուրբ Պետրոս հրապարակին հետ կաղուած միլիոնաւոր հաւատացեալներ ու միլիառաւոր անհատներ։

Սպիտակ ծուխ։ Այս էր համայն աշխարհին սպասած լուրը։ Սիքստինեան մատուռի ծխնելոյզը արձակեց սպիտակ ծուխը աւետելով որ Սիքստինեան Մատրան մէջ պապընտիր դռնփակ ժողովին մասնակցող 133 կարդինալները դրական արդիւնքով աւարտեցին իրենց քուէարկութիւնը եւ ընտրեցին Սուրբ Պետրոսի 266-րդ յաջորդը, Հռոմի 267-րդ Եպիսկոպոսը, Տիեզերական Եկեղեցւոյ Քահանայապետը։

Հինգշաբթի 8 Մայիս 2025-ի ժամը 6,07-ին, Սուրբ Պետրոս հրապարակի վրայ համախմբուած հազարաւոր ուխտաւորները որոնց աչքերը անընդհատ սեւեռած էին Սիքստինեան Մատուռի տանիքին վրայ տեղադրուած ծխնելոյզին յուզմունքով լեցուած սկսան ծափահարել ու բարձրաձայն բացագանչել «Վիվա իլ Փափա Վիտա իլ Փափա- Կեցցէ Պապը», մինչ ոմանք ծունկի եկած սկսան աղօթել ու նոյնը ըրին արդի միջոցներով աշխարհի տարբեր վայրերէն, Սուրբ Պետրոս հրապարակին հետ կապուած միլիոնաւոր հաւատացեալներ ու միլիառաւոր անհատներ։

Ծուխէն ետք Սուրբ Պետրոս պազիլիքայի զանգերը սկսան ուրախութեան ու հրճուանքի ղօղանջներ արձակել

Ֆրանչիսկոս Պապի մահէն 17 օր ետք Կաթողիկէ Եկեղեցին ունեցաւ նոր Քահանայապետ մը, եւ Սուրբ Պետրոսի Աթոռը թափուր ըլլալէն դադրեցաւ։