Հայերէն :

21 Ekim 2026

Ազրպէյճանական Մամուլը Կը Թիրախաւորէ Ֆիտանը -

Ազրպէյճանական Մամուլը Կը Թիրախաւորէ Ֆիտանը

Լաչակի արգելքին շուրջ քննարկումներէն յառաջացած թուրք-ազրպէյճանական լարուածութեան պատճառով ազրպէյճանական մամուլը թիրախաւորած է Թուրքիոյ արտաքին գործոց նախարար Հաքան Ֆիտանը: Այս մասին կը հաղորդէ «Էրմենի Հապեր»-ը:

Ազրպէյճանական իշխանութեան մօտիկ եղող «Քաւքազինֆօ» կայքը 17 հոկտեմբերին հրապարակում կատարած էր` պնդելով, թէ Ֆիտան Պաքու իր այցելութեան ընթացքին գաղտնի հանդիպում ունեցած է «Երիտասարդներու աջակցութեան հիմնադրամ»-ի (Ճի.Ուայ.Էֆ) անդամներու հետ եւ անոնց տարբեր յանձնարարականներ տուած: Ըստ հրապարակումին, հիմնադրամը կապուած է թրքական հետախուզութեան հետ:

Կը նշուէր նաեւ, թէ Թուքիան կը փորձէ Ազրպէյճանի մէջ պատրաստել ազդեցութեան գործակալներ: Թիրախաւորուած էին նաեւ «Թուրքիոյ համագործակցութեան եւ համակարգման գործակալութիւն»-ը (ԹԻՔԱ), «Այ. Էյչ. Էյչ.» մարդասիրական օգնութեան հիմնադրամը եւ Ազիզ Մահմուտ Հուայի հիմնադրամը, որոնք կապուած էին Ազրպէյճանի մէջ հետախուզական եւ ազդեցութեան գործունէութեան ծաւալելու մեղադրանքներու: Հետագային հրապարակումը վերցուեցաւ կայքէն:

Bu haber aztagdaily kaynağından gelmektedir.

Haber metninde yer alan görüşler haber kaynağı (aztagdaily) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(aztagdaily). They do not purport to reflect the opinions or views of bolsohays.com

Önceki Sonraki