Հայերէն :

23 Ekim 2026

Էրտողան-Ալիեւ Հեռաձայնային Հաղորդակցութիւն -

Էրտողան-Ալիեւ Հեռաձայնային Հաղորդակցութիւն

Թուրքիոյ նախագահ Ռեճեփ Թայիփ Էրտողան 21 հոկտեմբերին հեռաձայնած է Ազրպէյճանի նախագահ Իլհամ Ալիեւին:

Ըստ ազրպէյճանական ԱՓԱ լրատու գործակալութեան, կողմերը քննարկած են երկկողմանի յարաբերութիւններն ու շրջանային հարցեր: Էրտողան նաեւ Ալիեւը հրաւիրած է Անգարայի մէջ Թրքական պետութիւններու կազմակերպութեան վեհաժողովին:

Հեռաձայնային հաղորդակցութիւնը տեղի ունեցած է Անգարայի եւ Պաքուի միջեւ վերջին շրջանին ծագած տարակարծութիւններու լոյսին տակ:

Ալիեւ-Էրտողան հեռաձայնային հաղորդակցութեան օրը Ազրպէյճան Թուրքիոյ 31 քաղաքացիներու, ներառեալ լրագրողներու եւ քաղաքական գործիչներու, արգիլած է մուտք գործել երկիր` զանոնք մեղադրելով իշխանութեան բռնի տապալման կոչերու եւ կրօնական ատելութիւն հրահրելու մէջ:

Երկու երկիրներուն միջեւ վէճեր ծագած էին ազրպէյճանական դպրոցներու մէջ լաչակ կրելու սահմանափակումներուն եւ Ազրպէյճանի` Իսրայէլի հետ յարաբերութիւններուն շուրջ:

Bu haber aztagdaily kaynağından gelmektedir.

Haber metninde yer alan görüşler haber kaynağı (aztagdaily) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(aztagdaily). They do not purport to reflect the opinions or views of bolsohays.com

Önceki Sonraki