Թուրքիայի խորհրդարանում ձևավորվելու է Հայոց ցեղասպանության դեմ պայքարի լոբբիստական խումբ։ Այս մասին, ինչպես գրում է թուրքական «Աքշամ» թերթը, ասել է «Ազգայնական շարժում» կուսակցությունից պատգամավոր, Թուրքական պատմական ընկերության նախկին ղեկավար Յուսուֆ Հալաչօղլուն։

Նշելով, որ լոբբիստական խմբի ձևավորման հարցն ինքն անձամբ քննարկել է խորհրդարանի նախագահ Ջեմիլ Չիչեքի հետ՝ Հալաչօղլուն ասել է. «Հայկական սփյուռքը լուրջ նախապատրաստական աշխատաքններ է իրականացնում 1915թ. իրադարձությունների 100-րդ տարելիցին ընդառաջ։ Մենք էլ պետք է իմանանք մեր անելիքը»։

Հալաչօղլուն ասել է նաև, որ թեմայի առնչությամբ իրենք պատրաստ են համագործակցել խորհրդարանում ներկայացված բոլոր կուսակցությունների, այդ թվում «Խաղաղություն և ժողովրդավարություն» քրդամետ կուսակցության հետ։