Հայազգի Տնտեսագէտը Աշխարհի Վրայ Ամէնէն Հռչակաւորն Է - Հայերէն
25 Temmuz 2024 - Հակական տոմար - Տարի : 4516 / Ամիս : Հրոտից / Օր : Ցրօն / Ժամ : Ճառագայթեալ

Հայերէն :

02 Ağustos 2015  

Հայազգի Տնտեսագէտը Աշխարհի Վրայ Ամէնէն Հռչակաւորն Է -

Հայազգի Տնտեսագէտը Աշխարհի Վրայ Ամէնէն Հռչակաւորն Է Հայազգի Տնտեսագէտը Աշխարհի Վրայ Ամէնէն Հռչակաւորն Է

Տնտեսագիտական մարզին մէջ հետազօտութիւններ հրապարակող ՌիՓԷք-ի կազմած` աշխարհի ամէնէն նշանաւոր տնտեսագէտներու ցուցակը կը գլխաւորէ հայազգի աշխարհահռչակ տնտեսագէտ Տարօն Աճեմօղլու:

Ցուցակը կազմելու ընթացքին քննարկուած է աշխարհի վրայ յայտնի 2223 տնտեսագէտներու թեկնածութիւնը, հաշուի առնուած են անոնց վերջին տասը տարիներու գիտական գործունէութիւնը, տնտեսագիտական աշխատութիւնները եւ անոնց կիրարկումը այս կամ այն մարզին մէջ:

Ցուցակին մէջ Տարօն Աճեմօղլուին կը հետեւին Հարվըրտի համալսարանէն Էնտրու Շլայճըր, Շիքակոյի համալսարանէն Ճէյմս Ճ. Հեքմըն, եւ Հարվըրտի համալսարանէն Ռոպըրթ Պառօ, իսկ Միացեալ Նահանգներու Կեդրոնական դրամատան նախկին նախագահ Պեն Պեռնանքը գրաւած է ցուցակի 25-րդ դիրքը:

Տարօն Աճեմօղլու ծնած է 1967-ին, Պոլիս: 1986-ին աւարտած է Կալաթասարայի վարժարանը: Ապա ուսումը շարունակած Բրիտանիոյ Եորք համալսարանի տնտեսագիտական բաժանմունքին մէջ: Գիտական աստիճան ստացած է Լոնտոնի տնտեսագիտական համալսարանին մէջ: 1992-1993 թուականներուն դասախօսած է այդ համալսարանէն: 1993-էն ի վեր կը դասախօսէ աշխարհի մէջ ամէնէն հեղինակաւոր` Միացեալ Նահանգներու Մասաչուսեցի համալսարանի ճարտարագիտական հիմնարկին մէջ: 2000-ին ան փրոֆեսէօրի կոչում ստացած է: Քաղաքական տնտեսագիտութեան, տնտեսութեան զարգացման եւ աճի մարզերուն մէջ, յատկապէս եկամուտի եւ աշխատանքի դիմաց վճարումներու անհաւասարութեան վերաբերեալ իր աշխատանքներով Միացեալ Նահանգներու մէջ յայտնի դարձած Աճեմօղլուի` Ճէյմս Ռոպինսընի հետ հրապարակած` «Ազգերու երջանիկ հանդիպումը» գիրքը առաջադրուած էր Նոպելեան մրցանակի թեկնածու:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com
+