Յունաստան Էրտողանէն Պահանջած Է Յարգել Լոզանի Դաշնագիրն Ու Անոր Կէտերը - Հայերէն
29 Mart 2024 - Հակական տոմար - Տարի : 4516 / Ամիս : Արեգ / Օր : Վարագ / Ժամ : Խաւարակ

Հայերէն :

05 Ekim 2016  

Յունաստան Էրտողանէն Պահանջած Է Յարգել Լոզանի Դաշնագիրն Ու Անոր Կէտերը -

Յունաստան Էրտողանէն Պահանջած Է Յարգել Լոզանի Դաշնագիրն Ու Անոր Կէտերը Յունաստան Էրտողանէն Պահանջած Է Յարգել Լոզանի Դաշնագիրն Ու Անոր Կէտերը

Թրքական «Պիրկիւն» օրաթերթը կը հաղորդէ, որ Յունաստանի արտաքին գործոց նախարարութիւնը Թուրքիոյ նախագահ Ռեճեփ Թայիփ Էրտողանէն պահանջած է յարգել Լոզանի դաշնագիրն ու անոր կէտերը:

Օրաթերթին փոխանցումով` Լոզանի մասին Էրտողանի աղմկայարոյց խօսքը խիստ քննադատութեան արժանացած է Յունաստանի մէջ, յունական մամուլը զայն անուանած է վտանգաւոր եւ գրգռիչ:

Ըստ շարք մը յոյն քաղաքական գործիչներու, Էրտողան իր խօսքին մէջ ակնյայտ յաւակնութիւններ կը ներկայացնէ յունական կղզիներուն նկատմամբ:

Յունաստանի արտաքին գործոց նախարարութեան կողմէ տարածուած պաշտօնական յայտարարութեան մէջ կը նշուի. «Որքան ալ ատիկա ձեզի ցաւալի թուի, միեւնոյնն է` պէտք է յարգեն Լոզանի դաշնագիրին կէտերը, պէտք է յարգեն բոլորը` ներառեալ Անգարան»:

Յիշեցնենք, որ Էրտողան օրեր առաջ իր արտասանած խօսքին մէջ քննադատած էր Լոզանի դաշնագիրը կնքած թուրք դիւանագէտները եւ յայտարարած, որ տարիներ շարունակ իբրեւ յաղթանակ ներկայացուող Լոզանի դաշնագիրը իրականութեան մէջ Թուրքիոյ համար կորուստ էր:

Էրտողան նաեւ նշած էր. «Եգէական ծովու կղզիները Լոզանի ժամանակ տուինք, ատիկա յաղթանա՞կ է: Ատկէ յառաջացած խնդիրներն ալ այսօր մենք կը կրենք մեր ուսերուն»:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com

Diğer Haberler

+