​Թուրքիան արձագանքել է Եվրախորհրդարանին - Հայերէն
05 Ağustos 2021 - Հակական տոմար - Տարի : 4514 / Ամիս : Հրոտից / Օր : Ահրանք / Ժամ : Լուսափայլ

Հայերէն :

27 Kasım 2020  

​Թուրքիան արձագանքել է Եվրախորհրդարանին -

​Թուրքիան արձագանքել է Եվրախորհրդարանին ​Թուրքիան արձագանքել է Եվրախորհրդարանին

Եվրախորհրդարանը հինգշաբթի բանաձև էր ընդունել, որով կոչ էր արվում պատժամիջոցներ կիրառել Թուրքիայի դեմ ՝ Կիպրոսի խնդրի վերաբերյալ իր դիրքորոշման պատճառով:

Անկարան Թուրքիայի և Հյուսիսային Կիպրոսի ինքնահռչակ Թուրքական հանրապետության վերաբերյալ Եվրախորհրդարանի բանաձևը համարում է կանխակալ և իրականությունից կտրված: «ՌԻԱ նովոստի»-ի փոխանցմամբ, այդ դիրքորոշումը հայտնել է Թուրքիայի ԱԳ նախարարության խոսնակ Համի Ակսոյը:

«Մենք մերժում ենք Եվրախորհրդարանի բանաձևը մեր երկրի և ՀԿԹՀ-ի վերաբերյալ: Այս որոշումը, անկասկած, ընդունվել է Կիպրոսի հունական համայնքի թելադրանքով և ցույց է տալիս, թե Կիպրոսի հարցում Եվրախորհրդարանը որքանով է կողմնակալ և իրականությունից կտրված»,-ասել է Ակսոյը:

Ըստ նրա, նման դիրքորոշումը չի ծառայում ԵՄ շահերին, Թուրքիայի հետ նրա հարաբերությունների բարելավմանը և Կիպրոսի խնդրի կարգավորմանը:

«Մենք առաջարկում ենք Եվրախորհրդարանին և ԵՄ-ին ընդունել Կիպրոսի իրողությունները և այնտեղ թուրքական համայնքի ներկայությունը, ինչպես նաև կատարել Կիպրոսի թուրքերի հանդեպ ԵՄ պարտավորությունները: Թուրքիան կշարունակի վճռականորեն պաշտպանել ինչպես իր, այնպես էլ նրանց իրավունքները»,- ավելացրել է Ակսոյը

Կիպրոսը 1974 թվականին թուրքական զինված ներխուժումից հետո բաժանվել է էթնիկ սկզբունքով: Օկուպացված էր կղզու տարածքի 37% -ը, որի վրա 1983-ին հռչակվեց Հյուսիսային Կիպրոսի Թուրքական Հանրապետությունը: Միայն Թուրքիան է ճանաչել այն:








Bu haber panorama.am kaynağından gelmektedir.

Haber metninde yer alan görüşler haber kaynağı (panorama.am) ve yazarına ait olup,
Bolsohays.com sitesi haber hakkında herhangi bir görüş üstlenmemektedir.
+