​«Պաքուի եւ Երեւանի համապատասխան ջանքերէն եւ այլ երկիրներու օգնութենէն բացի, օգտակար կը նկատենք միջա - Հայերէն
01 Mart 2021 - Հակական տոմար - Տարի : 4513 / Ամիս : Մեհեկան / Օր : Արեգ / Ժամ : Առաւօտ

Հայերէն :

31 Ocak 2021  

​«Պաքուի եւ Երեւանի համապատասխան ջանքերէն եւ այլ երկիրներու օգնութենէն բացի, օգտակար կը նկատենք միջա -

​«Պաքուի եւ Երեւանի համապատասխան ջանքերէն եւ այլ երկիրներու օգնութենէն բացի, օգտակար կը նկատենք միջա ​«Պաքուի եւ Երեւանի համապատասխան ջանքերէն եւ այլ երկիրներու օգնութենէն բացի, օգտակար կը նկատենք միջազգային իրաւասու կառոյցներու միացումը» կ՛ըսէ Զախարովա

ՄԱԿ-ի ղեկավարութիւնը կապի մէջ կը գտնուի հայկական ու ազրպէյճանական կողմերուն հետ եւ կը շարունակէ համաձայնութիւն գոյացնել Լեռնային Ղարաբաղի մէջ կացութիւնը գնահատելու առաքելութիւն ուղարկելու հարցերուն շուրջ», ըսած է Զախարովա:Ռուսիոյ արտաքին գործոց նախարարութեան բանբեր Մարիա Զախարովա շաբաթական մամլոյ ասուլիսի ընթացքին անդրադարձած է Լեռնային Ղարաբաղի մէջ կացութեան կայունացման` ընդգծելով մարդասիրական ծրագիրներու գործադրութեան առաջնահերթութիւնը: Այս մասին հաղորդեց «Սփութնիք»-ը:

«Լեռնային Ղարաբաղի տագնապի գօտիին մէջ կացութեան կանոնաւոր կայունացման հասնելու առումով առաջնակարգ տեղի վրայ է վնասուածներուն եւ կարիքաւորներուն համալիր մարդասիրական աջակցութեան ծրագիրը: Թէ՛ Պաքուի, թէ՛ ալ Երեւանի համապատասխան ջանքերէն եւ այլ երկիրներու, նախ եւ առաջ` մեր երկրի օգնութենէն բացի, օգտակար կը նկատենք միջազգային իրաւասու կառոյցներու միացումը: Ներկայ պահուն Լեռնային Ղարաբաղի եւ անոր յարակից շրջաններուն մէջ աշխուժօրէն կ՛աշխատի Կարմիր խաչի միջազգային կոմիտէն: Ինչ կը վերաբերի ՄԱԿ-ի համակարգի մասնագիտացուած գործակալութիւններուն, ՄԱԿ-ի ղեկավարութիւնը կապի մէջ կը գտնուի հայկական ու ազրպէյճանական կողմերուն հետ եւ կը շարունակէ համաձայնութիւն գոյացնել Լեռնային Ղարաբաղի մէջ կացութիւնը գնահատելու առաքելութիւն ուղարկելու հարցերուն շուրջ», ըսած է Զախարովա:

Ան ընդգծած է Ազրպէյճանի եւ Հայաստանի մէջ ՄԱԿ-ի խումբերու ջանքերը եւ աջակցութիւն յայտնած մարդասիրական օգնութիւն տրամադրելու հարցերով Պաքուի եւ Երեւանի հետ ՄԱԿ-ի փոխադարձ գործակցութեան:

«Ռուսիան, իր կարգին, զգալի ներդրում կ՛ընէ Լեռնային Ղարաբաղի մէջ կացութեան բարելաւման համար` ռուս մասնագէտներու եւ խաղաղապահներու աջակցութեամբ: 14 նոյեմբերէն ի վեր իրենց մնայուն բնակութեան վայրեր վերադարձած են աւելի քան 51.000 գաղթականներ: Ականազերծուած է աւելի քան 705 հեկտար տարածք եւ աւելի քան 230 քիլոմեթր ճամբայ, վնասազերծուած է շուրջ 24.000 պայթունավտանգ առարկայ: Ամբողջութեամբ վերականգնուած է ելեկտրականութեան մատակարարումը: Շուրջ 1300 բնակիչ բժշկական օգնութիւն ստացած է», աւելցուցած է Զախարովա:

Ան յայտնեց, որ Ռուսիոյ, Հայաստանի եւ Ազրպէյճանի ղեկավարներու` 9 նոյեմբեր 2020-ի եռակողմ յայտարարութեան համաձայն, ինչպէս նաեւ 11 յունուարին երեք երկիրներուն միջեւ ձեռք բերուած համաձայնութիւններուն համապատասխան, պատերազմական գերիներու եւ այլ պահուող անձերու վերադարձի խնդիրներուն շուրջ աշխատանքը կը շարունակուի:

«Եւ ռուսական կողմը այդ հարցերուն մէջ աջակցութիւն կը ցուցաբերէ, ընդ որում` իր խաղաղապահ զօրակազմին գծով: Ինչպէս ընդգծած են մեր երկրի նախագահն ու արտաքին գործոց նախարարը, տուեալ խնդիրի շուտափոյթ լուծման լաւագոյն տարբերակը պիտի ըլլար գերիներու փոխանակումը «բոլորը բոլորի դիմաց» սկզբունքով», ըսած է Զախարովա:

Ռուսիոյ արտաքին գործոց նախարարութեան բանբերը նաեւ պատասխանելով լրագրողի մը հարցումին յայտնած է. «ԵԱՀԿ-ի Մինսքի խմբակի համանախագահներու Լեռնային Ղարաբաղ այցելութիւնը ծրագրուած է, ուղեւորութեան թուականները տակաւին յայտնի չեն, մանրամասնութիւններուն շուրջ ներկայ պահուն կողմերուն հետ համաձայնութիւն կը գոյացուի»:








Bu haber vaticannews kaynağından gelmektedir.

Haber metninde yer alan görüşler haber kaynağı (vaticannews) ve yazarına ait olup,
Bolsohays.com sitesi haber hakkında herhangi bir görüş üstlenmemektedir.

Diğer Haberler

+