Ազրպէյճանի պաշտպանութեան փոխնախարար, օդուժի հրամանատար Ռամիզ Թախիրով յայտնած է, որ իր երկիրը մտադիր է զինուորական նոր օդանաւեր գնել: Այս մասին կը հաղորդէ ազրպէյճական «Մինվալ» կայքը:

«Օդուժը կը նախատեսէ նոր օդանաւերու ձեռքբերում, այս ուղղութեամբ բանակցութիւններ տեղի կ՛ունենան: Փորձագէտները ուսումնասիրած են մեզի առաջարկուող օդանաւերու կարելիութիւնները: Թերեւս մօտիկ ապագային հանրութեան ներկայացուի, թէ ո՛ր օդանաւը ձեռք պիտի բերուի», ըսած է փոխնախարարը: