​Արտեմ Փաթափութեան Պարգեւատրուեցաւ Ս. Մեսրոպ Մաշտոց Շքանշանով Եւ Այցելեց Ծիծեռնակաբերդի Յուշահամալիր - Հայերէն
03 Aralık 2022 - Հակական տոմար - Տարի : 4515 / Ամիս : Տրե / Օր : Արամ / Ժամ : Շաւաղօտ

Հայերէն :

18 Haziran 2022  

​Արտեմ Փաթափութեան Պարգեւատրուեցաւ Ս. Մեսրոպ Մաշտոց Շքանշանով Եւ Այցելեց Ծիծեռնակաբերդի Յուշահամալիր -

​Արտեմ Փաթափութեան Պարգեւատրուեցաւ Ս. Մեսրոպ Մաշտոց Շքանշանով Եւ Այցելեց Ծիծեռնակաբերդի Յուշահամալիր ​Արտեմ Փաթափութեան Պարգեւատրուեցաւ Ս. Մեսրոպ Մաշտոց Շքանշանով Եւ Այցելեց Ծիծեռնակաբերդի Յուշահամալիր

16 յունիսին Հայաստանի վարչապետ Նիկոլ Փաշինեանը հիւրընկալած է հայազգի անուանի գիտնական, Նոպէլեան մրցանակակիր Արտեմ Փաթափութեանը, որ Հայաստան հասած է Հայաստանի տնտեսութեան նախարարութեան կազմակերպած «Գիտութեան եւ գործարարութեան օրեր-2022» նախաձեռնութեան ծիրին մէջ:

Հայաստանի վարչապետը Արտեմ Փաթափութեանը Կենսաբանութեան բնագաւառին մէջ ձեռք բերուած ակնառու նուաճումներուն, բժշկագիտութեան զարգացման գործին մէջ ներդրած նշանակալի աւանդին համար պարգեւատրած է Սուրբ Մեսրոպ Մաշտոց շքանշանով:

16 յունիսին Արտեմ Փաթափութեան այցելած է Հայոց ցեղասպանութեան յուշահամալիր, ուր ծաղկեպսակ զետեղած է Ցեղասպանութեան զոհերու յիշատակը յաւերժացնող յուշակոթողին:

14 յունիսին «Հայ Փոստ» ընկերութիւնը հրապարակեց եւ շրջանառութեան մէջ դրաւ նոր դրոշմաթուղթ մը` նուիրուած «Աշխարհահռչակ հայեր. Արտեմ Փաթափութեան» նիւթին: 350 դրամ արժէքով դրոշմաթուղթին վրայ պատկերուած է յայտնի լիբանանահայ գիտնական Արտեմ Փաթափութեանը, որ 2021-ին Նոպէլեան մրցանակի արժանացաւ` ջերմաստիճանի ընկալիչներու եւ շօշափելիքի ուսումնասիրութեան ընթացքին կատարած բացայայտումներուն համար:

Հայաստան գտնուելուն ընթացքին ականաւոր գիտնական, Նոպէլեան մրցանակի դափնեկիր, մասնիկային կենսաբան եւ ջղաբան փրոֆեսէօր Արտեմ Փաթափութեան Հայաստանի Գիտութիւններու ազգային ակադեմիայի Ընդհանուր ժողովի 9 յունիսի որոշումով ընտրուեցաւ Հայաստանի Գիտութիւններու ազգային ակադեմիայի պատուաւոր անդամ:

Փաթափութեան 14 յունիսին այցելեց Երեւանի պետական բժշկական համալսարանի ուղեղի հիմնարար հետազօտութիւններու գիտակրթական «Քոբրէյն» կեդրոնը, ուր գիտնականը տնկեց այն բոյսի հատիկը, որմէ ստացած է յայտնի մասնիկը: Տեղի ունեցաւ նաեւ Գիտական խորհուրդի նիստ, որուն ընթացքին Փաթափութեան ընտրուեցաւ բժշկական համալսարանի պատուաւոր դոկտոր:

«Հայաստան գտնուելուս պատճառներէն մէկը այն է, որ նաեւ ծանօթանամ Հայաստանի գիտութեան ոլորտին մէջ արձանագրուող զարգացումներուն. կ՛ակնկալեմ նոր համագործակցութեան հիմք դնել», յայտնեց ան:






Bu haber aztag kaynağından gelmektedir.

Haber metninde yer alan görüşler haber kaynağı (aztag) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(aztag). They do not purport to reflect the opinions or views of bolsohays.com
+