Ալիեւ Հայկական Կողմը Կը Յորդորէ` «Ժամանակ Չանցընելու» Սահմանազատման Հարցով - Հայերէն
11 Ağustos 2022 - Հակական տոմար - Տարի : 4515 / Ամիս : Նավասարդ / Օր : Երեզկան / Ժամ : Հոթապեալ

Հայերէն :

29 Haziran 2022  

Ալիեւ Հայկական Կողմը Կը Յորդորէ` «Ժամանակ Չանցընելու» Սահմանազատման Հարցով -

Ալիեւ Հայկական Կողմը Կը Յորդորէ` «Ժամանակ Չանցընելու» Սահմանազատման Հարցով Ալիեւ Հայկական Կողմը Կը Յորդորէ` «Ժամանակ Չանցընելու» Սահմանազատման Հարցով

Ազրպէյճանի նախագահը կրկին ռազմաշունչ յայտարարութիւններ կատարեց Հայաստանի հասցէին` յորդորելով հայկական կողմը ընդունելու յետպատերազմական իրողութիւնները եւ ժամանակ չանցընելու սահմանազատման հարցին գծով:

Նախօրէին, այցելելով Կէօյկէօլի, Քելբաջարի եւ Լաչինի շրջաններ, Իլհամ Ալիեւ զօրամասի մը բացումը կատարեց Քելբաջարի մէջ, որ արցախեան վերջին պատերազմէն ետք անցաւ Ազրպէյճանի վերահսկողութեան տակ:

«Եթէ Հայաստան սահմաններու որոշման հարցին մէջ կրկին դիմէ իր մարտավարութեան` փորձելով ժամանակ երկարաձգել, ապա ատոր համար ինք պիտի զղջայ: Մենք ուշադիր կը հետեւինք Հայաստանի մէջ գլուխ բարձրացնող ռեւանշիստական (վրէժխնդրական) ուժերուն: Թող անոնք ալ գիտնան: Այն սարին վրայ իմ խօսքերս գրուած են` երկաթէ բռունցքը իր տեղն է, ոչ ոք թող մոռնայ այս մասին», նշեց Ազրպէյճանի նախագահը:

Թէեւ միջազգային մակարդակով հանդիպումներուն ընթացքին պաշտօնական Պաքուն կը պնդէ, որ պատրաստ է խաղաղութեան համաձայնագիր կնքելու ու յարաբերութիւններու նոր էջ բանալու Հայաստանի հետ, սակայն, զինուորականներուն ուղղուած խօսքին մէջ Ազրպէյճանի նախագահը կրկին ռազմական ներուժին անդրադարձաւ: Ալիեւ յատկապէս յայտնեց, թէ ազրպէյճանական բանակը կը համալրուի նոր ուժերով ու զինատեսակներով եւ ալ աւելի պիտի ամրապնդէ իր սահմանները Հայաստանի հետ:





Bu haber aztag kaynağından gelmektedir.

Haber metninde yer alan görüşler haber kaynağı (aztag) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(aztag). They do not purport to reflect the opinions or views of bolsohays.com

Diğer Haberler

+