«Հայասաթ» խումբը յաջողութեամբ կը հետեւի անկախ Հայաստանի մէջ ստեղծուած առաջին «քիւփսաթ» ձեւաչափի արբանեակի թռիչքին։ «Հայասաթ-1»ի հետ արդէն իսկ կապ հաստատուած է։ Արբանեակը աշխատանքային վիճակի մէջ է եւ կը փոխանցէ իր պարբերական ազդանշանները։ Աշխատանքը կ'ընթանայ նախատեսուած ծրագրով, առանց խոչընդոտներու։ զգածուեցաւ

«Հայասաթ-1»ը 1 Դեկտեմբերին անջրպետ ուղարկուած էր Երեւանի ժամով ժամը 22.20ին, մէկ ժամ յետոյ արբանեակը յաջողութեամբ անջատուած էր հրթիռէն եւ դուրս եկած էր ուղեծիր։ Այս արբանեակի ծրագրաւորման ու պատրաստութեան բոլոր աշխատութիւնները եղած են Հայաստանի մէջ, 2022ի Յունուարէն սկսեալ։ Ծրագրի ամբողջ շղթան իրականացուց «Բազումք» անջրպետային հետազօտութիւններու կեդրոն-տարրալուծարանը։

«Հայաստաթ-1» արբանեակը «Քիւփսսաթ» ձեւաչափի փոքր սարք մըն է։ Զինուած է արեւային վահանակներով, արբանեակի համար կողմնացոյցի դեր ունեցող մագնիսաչափերով, արբանեակի պտոյտները մարող մագնիսական դարձիչներով եւ հաղորդակցութեան մոտիւլներով։