Ամէն տարի 6 մայիսին, Վատիկանի մէջ կ՝ոգեկոչուի, 6 Մայիս 1527-ին, Հռոմի պատերազմի ընթացքին Զուիցերացի 147 պահակներու յիշատակը, որոնք զոհուեցան Կղէմէս Է Պապը պաշտապանելու համար։

Վատիկանը` աշխարհի ամենափոքր պետութիւնն է՝ սակայն ունի աշխարհի ամենահին բանակներէն մին` Զուիցերական պահակագունդը, որուն պարտականութիւնն է երաշխաւորել Սրբազան Քահանայապետին անմիջական պաշտպանութիւնը։

Քահանայապետի ծառայութեան տակ փոքրիկ բանակը

21 յունիս 1505ին Յուլիանոս Բ Քահանայապետը Զուիցերիայի պետութենէն խնդրած է պահակագունդ մը իր անձնական պաշտպանութեան համար։ 22 յունուար 1506ին Յուլիանոս Բ Քահանայապետը ս. Պետրոս հրապարակի վրայ օրհնեց զուիցերական պահակագունդը։ Սոյն թուականը` 22 յունուարը, նկատուած է զուիցերական պահակագունդի հիմնարկութեան թուական։

Ամէն տարի վեց մայիսին, կ՝ոգեկոչուի 6 Մայիս 1527-ին, Հռոմի պատերազմի ընթացքին Զուիցերացի 147 պահակներու յիշատակը, որոնք հերոսաբար զոհուեցան Կղէմէս Է Պապը պաշտապանելու համար, Հռոմի պատերազմի ժամանակ։

Այս տարի ոգեկոչման արարողութիւնը տեղի կ՝ունենայ, երեքշաբթի, 6 մայիսին, առաւօտեան ժամը 11-ին, քահանայապետական պահակագունդի զօրանոցին հրապարակին վրայ։ Արարողութեան սկզիբը ծաղեկպսակ կը դրուի զոհուածներուն արձաին դիմաց ապա խօսք կ՝առնէ պահակագունդի հրամանատար, Քրիսթոֆ Կրաֆը։