Թուրքերը այլեւս չեն կրնար յոյս դնել հրէական լոպպիի վրայ: Այս մասին ըսած է Ուաշինկթընի մէջ գործող «Հերիթէյճ» ուսումնարանի ԽՍՀՄ պետութիւններու, Թուրքիոյ եւ Մերձաւոր Արեւելքի հարցերով փորձագէտ Արիէլ Կոենը Հ1-ի «առաջին» լրատուական ծառայութեան տուած հարցազրոյցին:

«AIPAC հրէական գլխաւոր կազմակերպութեան ներկայիս կողմնորոշումն է չաջակցիլ, բայց եւ չխոչընդոտել Հայոց ցեղասպանութեան օրինագիծին: Միւս հրէական միութիւններու դիրքորոշումը պակաս0020կարեւոր է»,- ըսած է ան` աւելցնելով, որ ազգութեամբ հրէայ կոնգրէսականներու մեծ մասը արդէն մի քանի տարի է ի վեր կը շարունակէ աջակցիլ օրինագիծին: «Կարծեմ որոշակի շարժ եւ աշխուժութիւն կ`ըլլայ դէպի օրինագիծի հաստատումը: Ճիշտ այնպէս, ինչպէս Ֆրանսայի մէջ եղաւ կամ Շուէտի մէջ եւ միւս երկրներու խորհրդարաններու մէջ: Ոչինչ, թուրքերը դիմացան»,- նշած է Կոեն: