Թուրքիայի խորհրդարանը ֆրանսիացի պատգամավորներին կոչ է արել հրաժարվել «երկակի ստանդարդտների» քաղաքականությունից։

Ինչպես հաղորդում է ադրբեջանական «ԱՊԱ» գործակալությունը, թուրք պատգամավորները մի փաստաթուղթ են ընդունել, որում, մասնավորապես, ասվում է. «Անցյալում տեղի ունեցած իրադարձությունների ուսումնասիրությունը պատմաբանների, գիտնականների գործն է։ Մենք խորապես վրդովված ենք Թուրքիայի պատմության վարկաբեկմանն ուղղված միակողմանի դիրքորոշումից։ Քննարկվելիք օրինագիծը կոպտորեն խախտում է մարդու իրավունքներն ու ազատությունները»

Պատգամավորները Ֆրանսիային կոչ են արել նաև հրաժարվել երկակի ստանդարտներից և այնպիսի քայլեր չձեռնարկել, որոնք կարող են փչացնել Թուրքիայի և Ֆրանսիայի միջև փոխհարաբերությունները։

Հաղորդվում է, որ այդ հայտարարության ընդունմանը կողմ են քվեարկել Թուրքիայի «Արդարություն և զարգացում», Ժողովրդահանրապետական կուսակցությունը և «Ազգային գործողություն» կուսակցությունը, դեմ է քվերակել՝ Խաղություն և ժողովրդավարություն կուսակցությունը։