ՀՀ Հակափտածութեան Կոմիտէի ծառայողներուն իրականացուցած հետախուզական միջոցառումներու բերումով փաստական տուեալներ ստացուած են այն մասին, որ «Մեր Ձեւով» ազգային արժէքներու պահպանութեան հասարակական կազմակերպութեան գրասենեակի ղեկավարը Ազգային Ժողովի ընտրութիւններուն ընթացքին «Ուժեղ Հայաստան» կուսակցութեան օգտին քուէարկելու պայմանով ընտրելու իրաւունք ունեցող շարք մը քաղաքացիներու ընտրակաշառք տուած է։ Բացի անկէ, նոյն անձը ԱԺ ընտրութիւններու նշանակման որոշումը ուժի մէջ մտնելու օրէն մինչեւ ընտրութիւններու արդիւնքներու ամփոփումը բարեգործութեան անուան տակ ընտրող հանդիսացող Երեւան քաղաքի բնակիչին վիրահատութեան համար անհատոյց գումար տուած է։ Դէպքին առթիւ Հակափտածութեան Կոմիտէին մէջ նախաձեռնուած է քրէական վարոյթ, ձերբակալուած են շարք մը անձեր, կատարուած են խուզարկութիւններ եւ վարութային այլ գործողութիւններ։