​«Լա Հէյի Դատարանի Որոշումները Ենթակայ Են Պարտադիր Կատարման» Կ՛ըսէ Կութիերես - Հայերէն
25 Mayıs 2024 - Հակական տոմար - Տարի : 4516 / Ամիս : Մարերի / Օր : Ցրօն / Ժամ : Խաւարակ

Հայերէն :

28 Şubat 2023  

​«Լա Հէյի Դատարանի Որոշումները Ենթակայ Են Պարտադիր Կատարման» Կ՛ըսէ Կութիերես -

​«Լա Հէյի Դատարանի Որոշումները Ենթակայ Են Պարտադիր Կատարման» Կ՛ըսէ Կութիերես ​«Լա Հէյի Դատարանի Որոշումները Ենթակայ Են Պարտադիր Կատարման» Կ՛ըսէ Կութիերես

ՄԱԿ-ի ընդհանուր քարտուղար Անթոնիօ Կութիերես շեշտած է, որ Արդարադատութեան միջազգային դատարանի որոշումները ենթակայ են պարտադիր կատարման` յուսալով, որ Լաչինի միջանցքով ազատ տեղաշարժը ապահովելու համար պիտի ձեռնարկուին համապատասխան քայլեր:

«Արմէնփրես»-ի հաղորդումով, ՄԱԿ-ի ընդհանուր քարտուղարի յայտարարութիւնը տարածած է անոր բանբեր Սթեֆան Տիւժարիքը:

Յայտարարութեան մէջ կը նշուի, որ ՄԱԿ-ի ընդհանուր քարտուղարը ի գիտութիւն կ՛ընդունի Արդարադատութեան միջազգային դատարանի որոշումները, որոնք որդեգրուած են 22 փետրուարին Հայաստանի եւ Ազրպէյճանի միջեւ վարոյթի ծիրին մէջ: Ընդհանուր քարտուղարը ողջունած է Հայաստանի եւ Ազրպէյճանի կառավարութիւններու վստահութիւնը Արդարադատութեան միջազգային դատարանին:

Ընդհանուր քարտուղարը յիշեցուցած է, որ Արդարադատութեան միջազգային դատարանի որոշումները պարտադիր են կատարման համար: Ան կը հաւատայ, որ կողմերը պիտի կատարեն որոշումները, ներառեալ այն որոշումը, որ կը վերաբերի Բերձորի միջանցքով երկու ուղղութեամբ` մարդոց, փոխադրամիջոցներու եւ բեռներու անարգել տեղաշարժը ապահովելու համար քայլերու ձեռնարկելուն:

Ընդհանուր քարտուղարը յոյս յայտնած է, որ Հայաստանը եւ Ազրպէյճանը պիտի շարունակեն աշխատիլ` բարելաւելու երկկողմանի յարաբերութիւնները: Ան շեշտած է, որ կը խրախուսէ կառուցողական երկխօսութիւնը:

Արդարադատութեան միջազգային դատարանը 22 փետրուարին հրապարակեց Բերձորի միջանցքի ապաշրջափակման վերաբերեալ իր որոշումը: Դատարանը Ազրպէյճանը պարտաւորեցուց ձեռնարկելու իրմէ կախեալ բոլոր քայլերը, որպէսզի ապահովուի անձերու, փոխադրամիջոցներու եւ բեռներու անխափան տեղաշարժը Բերձորի միջանցքով երկու ուղղութեամբ:

Դատարանը նոյն օրը հրապարակուած որոշումով մերժեց Ազրպէյճանի պահանջը ընդդէմ Հայաստանի:






Bu haber aztag kaynağından gelmektedir.

Haber metninde yer alan görüşler haber kaynağı (aztag) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(aztag). They do not purport to reflect the opinions or views of bolsohays.com
+