​Պաքուն Կրկին Սպառնալիքներ Կը Հնչեցնէ Հայաստանի Հասցէին - Հայերէն
28 Şubat 2024 - Հակական տոմար - Տարի : 4516 / Ամիս : Մեհեկան / Օր : Սիմ / Ժամ : Երկրատես

Հայերէն :

26 Mart 2023  

​Պաքուն Կրկին Սպառնալիքներ Կը Հնչեցնէ Հայաստանի Հասցէին -

​Պաքուն Կրկին Սպառնալիքներ Կը Հնչեցնէ Հայաստանի Հասցէին ​Պաքուն Կրկին Սպառնալիքներ Կը Հնչեցնէ Հայաստանի Հասցէին

Ազրպէյճանի պաշտպանութեան նախարարութիւնը երէկ երկրորդ անգամն ըլլալով յայտարարութիւն տարածած է` պնդելով, թէ Ղարաբաղի մէջ հայկական ուժերը «ապօրինի գործունէութիւն կ՛իրականացնեն»:

Նախարարութիւնը մասնաւորապէս կը պնդէ, թէ իրենք յաջողած են հաւաստել, որ «Ազրպէյճանի տարածքին մէջ, ուր ռուսական խաղաղապահ ուժեր տեղակայուած են ժամանակաւորապէս, հայկական զինուած խմբաւորումները անօրինական ճամբաներ կը բանան` ռազմամթերքի փոխադրման համար»:

Պաքուն ոչ միայն հայկական կողմը մեղադրած է` «եռակողմ յայտարարութիւնները կոպտօրէն խախտելու համար», այլեւ` Մոսկուան, պնդելով, թէ «ռուս խաղաղապահները չեն իրականացներ իրենց վրայ դրուած պարտաւորութիւնները եւ հիմքեր կը ստեղծեն շրջանին մէջ լարուածութեան մեծացման համար»:

«Մենք կը վերահաստատենք, որ Երեւանի ռազմաքաղաքական ղեկավարութիւնը կը կրէ այդ սադրանքներուն եւ անոնց պատճառով հաւանական մարդկային կորուստներու ամբողջ պատասխանատուութիւնը», վերստին զգուշացուցած է Ազրպէյճանի պաշտպանութեան նախարարութիւնը:

Նոյնաբովանդակ յայտարարութիւն Պաքուն կատարած էր նաեւ շաբաթասկիզբին, անկէ մէկ օր ետք հաղորդուած էր, որ Երասխի հատուածի մարտական դիրքին մէջ հակառակորդի կրակոցէն զինուոր մը զոհուած է:





Bu haber aztag kaynağından gelmektedir.

Haber metninde yer alan görüşler haber kaynağı (aztag) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(aztag). They do not purport to reflect the opinions or views of bolsohays.com
+