Հայաստանի Արտաքին Գործոց Նախարարութիւնը հերթական անգամ պաշտօնապէս հաղորդեց որ Թուրքիոյ հետ սահմանային անցակէտերէն Մարգարայի անցակէտը պատրաստ վիճակի մէջ է եւ կրնայ անմիջապէս գործել, եթէ Թուրքիա այդպիսի որոշում մը տայ։ Մարգարայի անցակէտը կը գտնուի Ըղտըրի սահմանին մօտ։ Հայկական կողմը կ'ակնկալէ դրական ազդակներ ստանալ երրորդ երկիրներու բնակիչներու եւ դիւանագիտական անցագրերով անձերու համար սահմանը բանալու մասին, հաղորդեց հայկական դիւանագիտական համակարգը։