Եգիպտոսի Նոր Դեսպանը Իր Հաւատարմագիրները Յանձնեց Սերժ Սարգսեանին - Հայերէն
14 Nisan 2021 - Հակական տոմար - Տարի : 4513 / Ամիս : Ահեկան / Օր : Վանատուր / Ժամ : Փայլածու

Հայերէն :

12 Ekim 2011  

Եգիպտոսի Նոր Դեսպանը Իր Հաւատարմագիրները Յանձնեց Սերժ Սարգսեանին -

Եգիպտոսի Նոր Դեսպանը Իր Հաւատարմագիրները Յանձնեց Սերժ Սարգսեանին Եգիպտոսի Նոր Դեսպանը Իր Հաւատարմագիրները Յանձնեց Սերժ Սարգսեանին

Նախագահ Սերժ Սարգսեանին այսօր իր հաւատարմագիրները յանձնեց Եգիպտոսի Արաբական Հանրապետութեան նորանշանակ արտակարգ եւ լիազօր դեսպան Մոհամատ Ալա ալ Տին Սաատ ալ Լէիս:

Նախագահը շնորհաւորեց դեսպանը` մեր երկրին մէջ դիւանագիտական առաքելութիւնը ստանձնելու առնչութեամբ եւ յոյս յայտնեց, որ իր գործունէութեամբ ան հնարաւորինս պիտի նպաստէ հայ-եգիպտական յարաբերութիւններու առաւել զարգացման ու ամրապնդման:

Երկուստէք ընդգծուեցան, որ հայ-եգիպտական կապերը, երկու ժողովուրդներու միջեւ բարեկամութիւնն ու փոխադարձ համակրանքը սկիզբ առած են դարերու խորքէն եւ կը շարունակուին մինչեւ այսօր: Կարեւոր համարուեցաւ նաեւ քաղաքական բարձր մակարդակի յարաբերութիւններուն զուգահեռ տնտեսական, մշակութային կապերը եւս զարգացնելու եւ խորացնելու անհրաժեշտութիւնը:

Նախագահը յոյս յայտնեց, որ Եգիպտոսի մէջ քաղաքական կայունութեան հաստատումը նաեւ պիտի նպաստէ տնտեսութեան զարգացման ու այդ ոլորտին մէջ երկու երկիրներուն միջեւ փոխգործակցութեան աշխուժացման: Հանրապետութեան ղեկավարն ու Եգիպտոսի դեսպանը, հայ-եգիպտական կապերու ամրապնդման համար, մեծապէս կարեւոր համարեցին նաեւ եգիպտահայ համայնքին դերը:

Նշելով, որ իր նշանակումը կը համընկնի այն ժամանակահատուածին, երբ ՀՀ կը տօնէ անկախութեան 20րդ տարեդարձը, դեսպան Մոհամատ Ալա ալ Տին Սաատ ալ Լէիս շնորհաւորեց Հայաստանն ու Սերժ Սարգսեանը եւ մաղթեց յառաջիկայ յաջողութիւններ:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
Bolsohays.com sitesi haber hakkında herhangi bir görüş üstlenmemektedir.
+