Հայ Լրագրողը Դատական Գործ Յարուցած Է Անգարայի Քաղաքապետին Դէմ - Հայերէն
25 Temmuz 2024 - Հակական տոմար - Տարի : 4516 / Ամիս : Հրոտից / Օր : Ցրօն / Ժամ : Ճառագայթեալ

Հայերէն :

18 Temmuz 2015  

Հայ Լրագրողը Դատական Գործ Յարուցած Է Անգարայի Քաղաքապետին Դէմ -

Հայ Լրագրողը Դատական Գործ Յարուցած Է Անգարայի Քաղաքապետին Դէմ Հայ Լրագրողը Դատական Գործ Յարուցած Է Անգարայի Քաղաքապետին Դէմ

«Արմէնփրես»` յղում կատարելով թրքական «Տեմոքրաթհապեր» կայքին, կը հաղորդէ, որ Թուրքիոյ յայտնի հայ լրագրող Հայկօ Պաղտաթ դատական գործ յարուցած է Անգարայի քաղաքապետ Մելիհ Կէօքչեքի դէմ` ընկերային ցանցերուն վրայ հայերուն մասին ոչ պատշաճ յայտարարութիւններ կատարելուն համար: Դատարան ներկայացուցած դիմումին մէջ Պաղտաթ Անգարայի քաղաքապետէն պահանջած է վճարել 10 հազար թրքական լիրա փոխհատուցում:

Երբ Գերմանիոյ Կանաչներու կուսակցութեան ծագումով թուրք համանախագահ Ճեմ Էօզտեմիր կոչ ուղղեց Թուրքիոյ հայ-թրքական սահմանը բանալու, Ցեղասպանութիւնը ճանչնալու եւ Հայաստանի հետ յարաբերութիւններ հաստատելու վերաբերեալ, Կէօքչեք «Թուիթըր»-ի վրայ կատարած գրառումի մը մէջ Էօզտեմիրէն խնդրած է բացատրել` արդեօք անոր ծագումին մէջ կա՞ն հայկական արմատներ: Իսկ Պոլսոյ մէջ Ժողովուրդներու ժողովրդավարական կուսակցութեան ցոյցէն առաջ ան յայտարարած էր, որ հանրահաւաքին մասնակցելու նպատակով Եւրոպայէն եւ Հայաստանէն 150-200 հայեր կը պատրաստուին գալ Պոլիս: «Ի՞նչ գործ ունին անոնք հանրահաւաքին: Որովհետեւ անոնք ատիկա կը դիտարկեն իբրեւ Հայաստանի փրկութեան ցոյց: Զիս լսող իմ քիւրտ եղբայրներ` մի՛ երթաք այդ հանրահաւաքին, որովհետեւ ատիկա քիւրտերու հանրահաւաքը չէ, հայերունն է», ըսած էր Կէօքչեք:

Հայկօ Պաղտաթ





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com
+