100 Մեթր Երկարութեամբ Եռագոյնը՝ Նեմրութի Բարձունքին - Հայերէն
29 Mart 2024 - Հակական տոմար - Տարի : 4516 / Ամիս : Արեգ / Օր : Վարագ / Ժամ : Արփող

Հայերէն :

15 Ağustos 2015  

100 Մեթր Երկարութեամբ Եռագոյնը՝ Նեմրութի Բարձունքին -

100 Մեթր Երկարութեամբ Եռագոյնը՝ Նեմրութի Բարձունքին 100 Մեթր Երկարութեամբ Եռագոյնը՝ Նեմրութի Բարձունքին

Օգոստոս 12ին, հայկական Ամանորի տօնին՝ Նաւասարդի առիթով (Օգոստոս 11) Հայոց Ցեղասպանութեան խորհուրդը կրող, 100 մեթր երկարութիւն ունեցող Եռագոյնը ծածանած է Նեմրութի բարձունքին՝ հին հայկական սրբավայրին մէջ:

Այս մասին յայտնած է Արցախեան ազատամարտի մասնակից, ֆոթոլրագրող, «Տիգրան Մեծ» բարեսիրական հիմնարկի նախագահ Սրապիոն Գէորգեան, որ նաեւ 100 մեթր երկայնք ունեցող Եռագոյնին հեղինակն է:

Օգոստոս 12ի առաւօտեան հայ զբօսաշրջիկներէ կազմուած ուխտաւորներու խումբը սկսած է նուաճելու լերան բարձունքը, ուր պարզելով Հայոց Ցեղասպանութեան խորհուրդը կրող դրօշը, շրջան կազմած է եւ 100 վայրկեան լռութեամբ յարգած է Ցեղասպանութեան անմեղ զոհերու յիշատակը:

Օգոստոս 11ին «Տիգրան Մեծ» հիմնադրամը յաջողած է Եռագոյնը ծածանել նաեւ պատմական Հայաստանի Մեծ Հայքի Մոկք նահանգի Միջա գաւառին մէջ, Սարիխաչ լերան հարաւ-արեւմտեան լանջին, Ապարանէն Սուրբ Խաչ վանքի խաչքարերուն շուրջ, որոնք իրենց 12-14 թոն կշիռքով եւ 6 մեթր բարձրութեամբ ոչ միայն աշխարհի մեծագոյն խաչքարերն են, այլ նաեւ հայ ազգի երբեմնի հզօր ուժի վկան:

Նշուած նախաձեռնութիւնները կարելի եղած է իրականացնել «Ախթամար թուր» գործակալութեան աջակցութեամբ:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com

Diğer Haberler

+