Վրաստանի Նոր Խորհրդարանին Մէջ՝ Երեք հայ Պատգամաւոր - Հայերէն
28 Mart 2024 - Հակական տոմար - Տարի : 4516 / Ամիս : Արեգ / Օր : Սիմ / Ժամ : Աղջամուղջ

Հայերէն :

10 Ekim 2016  

Վրաստանի Նոր Խորհրդարանին Մէջ՝ Երեք հայ Պատգամաւոր -

Վրաստանի Նոր Խորհրդարանին Մէջ՝ Երեք հայ Պատգամաւոր Վրաստանի Նոր Խորհրդարանին Մէջ՝ Երեք հայ Պատգամաւոր

Հոկտեմբեր 8-ին Վրաստանի Մէջ տեղի ունեցան խորհրդարանական ընտրութիւնները որուն արդիւնքով պէտք է ձեւաւորուի նոր կառավարութիւնը: Վրաստանի Կեդրոնական ընտրական յանձնաժողովի հրապարակած տուեալներուն համաձայն` խորհրդարանական ընտրութիւններուն մասնակցած է 1.814.276 ընտրող, որ կը կազմէ ընտրութեան ձայնի իրաւունք ունեցող (3.513.884 քաղաքացի) երկրի քաղաքացիներուն ընդհանուր թիւի 51.63%-ը, կը հաղորդէ PanARMENIAN.Net-ը:

Հայաբնակ Ջաւախքի մէջ ընտրողներուն մասնակցած է 50.45%-ը: Այդ կերպով Ախալքալաք-Նինոծմինդա նորաստեղծ ընտրատեղամասին մէջ արձանագրուած 51.843 քաղաքացիէն ընտրութիւններուն ներկայացած է 26.153 մարդ:

Նախնական տուեալներուն համաձայն` Ախալքալաք-Նինոծմինդա ընտրական շրջանին մէջ ձայներու մեծամասնութիւնը ստացած է «Վրացական երազանք» կուսակցութեան մեծամասնական թեկնածու Հենզել Մկոյեանը: Վրաստանի Կեդրոնական ընտրական յանձնաժողովի տուեալներուն համաձայն` Մկոյեանի օգտին քուէարկած է ընտրութիւններուն մասնակցած 15 731 մարդ (63,42%):

Վրաստանի հայկական համայնքը տարածած հաղորդագրութեան մէջ կը նշէ, որ դժուար չէ հաշուել` Վրաստանի Իններորդ համագումարի Խորհրդարանին մէջ «Ջաւախքի ներկայացուցիչ»-ին ճակատագիրը որոշած է Ջաւախքի ընտրողներուն ընդհանուր քանակի մօտաւորապէս 31-32%-ը: Շրջանի ընտրողներուն 68-69%-ը մտածելու տեղ ունի:

Ինչ կը վերաբերի այլ պաշտօնական տուեալներուն` թէեւ ամբողջ երկրին մէջ ընտրութիւնները դեռ չեն աւարտած (շատ մեծամասնական շրջաններու մէջ քուէարկութեան երկրորդ փուլի իրականացման անհրաժեշտութիւն կայ), Իններորդ համագումարի Խորհրդարանի հայ պատգամաւորներուն հարցը արդէն պարզ է: 2016-2020 թուականներուն Վրաստանի Խորհրդարանին մէջ կ’աշխատին ազգութեամբ հայ 3 պատգամաւոր: Երեքն ալ կը ներկայացնեն «Վրացական երազանք» կուսակցութիւնը` Հենզել Մկոյեանը, Սամուէլ Մանուկեանը եւ Ռուսլան Պօղոսեանը:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com

Diğer Haberler

+