Եթէ Ուզեմ Գերմանիա Երթալ` Պիտի Երթամ, Եթէ Դռնէն Ներս Չձգեն` Աշխարհը Ոտքի Պիտի Հանեմ Կ՛ըսէ Էրտողան - Հայերէն
08 Temmuz 2020 - Հակական տոմար - Տարի : 4512 / Ամիս : Հրոտից / Օր : Միհր / Ժամ : Հոթապեալ

Հայերէն :

07 Mart 2017  

Եթէ Ուզեմ Գերմանիա Երթալ` Պիտի Երթամ, Եթէ Դռնէն Ներս Չձգեն` Աշխարհը Ոտքի Պիտի Հանեմ Կ՛ըսէ Էրտողան

Եթէ Ուզեմ Գերմանիա Երթալ` Պիտի Երթամ, Եթէ Դռնէն Ներս Չձգեն` Աշխարհը Ոտքի Պիտի Հանեմ     Կ՛ըսէ Էրտողան Եթէ Ուզեմ Գերմանիա Երթալ` Պիտի Երթամ, Եթէ Դռնէն Ներս Չձգեն` Աշխարհը Ոտքի Պիտի Հանեմ Կ՛ըսէ Էրտողան

Թրքական «Տիքեն» կայքը կը հաղորդէ, որ Թուրքիոյ նախագահ Ռեճեփ Թայիփ Էրտողան յայտարարած է, որ որեւէ ժամանակ կրնայ երթալ Գերմանիա, իսկ եթէ իրեն մուտք գործել չձգեն, ոտքի պիտի հանէ ամբողջ աշխարհը:

«Եթէ ուզեմ` պիտի երթամ: Եթէ զիս դռնէն ներս չձգէք` աշխարհը ոտքի պիտի հանեմ», յայտարարած է Էրտողան:

Նշենք, որ գերմանական լրատուամիջոցները կը պահանջեն Էրտողանի Գերմանիա մուտքը չարտօնել:

Գերմանիոյ Կառավարութիւնը Անհեթեթ Կը Նկատէ
Էրտողանի Յայտարարութիւնը

Գերմանիոյ կառավարութեան բանբեր Շթեֆեն Զայպերթ արձագանգեց Էրտողանի այն յայտարարութեան, որուն մէջ ան Գերմանիան մեղադրած էր նացիական կեցուածք դրսեւորելու ամբաստանութեամբ:

«Նացիական համեմատութիւնները միշտ ալ անհեթեթ են եւ անտեղի», յատարարեց Զայպերթ` աւելցնելով, որ գերմանական կառավարութիւնը միշտ ալ մեծ կարեւորութիւն տուած է Թուրքիոյ հետ յարաբերութիւններուն, իսկ «ներկայ օրերուն խոր տարակարծութիւններ կան»:

Ան անգամ մը եւս թրքական կողմը յորդորեց ազատ արձակելու գերմանական «Տի Վելթ» օրաթերթի թուրք լրագրող Տենիզ Եուճելը:

ԹԱՍՍ լրատու գործակալութիւնը կը հաղորդէ, որ Գերմանիոյ արտաքին գործոց նախարար Զիկմար Կապրիէլ յայտնած է, որ Պերլինի եւ Անգարայի յարաբերութիւնները «շատ լարուած» են եւ անհրաժեշտ է զանոնք բնականոնացնել:

«Յարաբերութիւնները շատ լարուած են, այժմ մեր խնդիրը զանոնք բնականոնացնելն է», ըսած է ան` աւելցնելով. «Իւրաքանչիւրը պէտք է ատոր համար օգտագործէ բոլոր կարելիութիւնները»:



Bu haber .... kaynağından gelmektedir.

Haber metninde yer alan görüşler haber kaynağı ve yazarına ait olup,
Bolsohays.com sitesi haber hakkına herhangi bir görüş üstlenmemektedir.
+