​Թուրքիա Լրագրողներու Համար Դարձած է Իրական Դժոխք - Հայերէն
21 Kasım 2017 - Հակական տոմար - Տարի : 4510 / Ամիս : Տրե / Օր : Գրգոռ / Ժամ : Լուսակն

Հայերէն :

04 Mayıs 2017  

​Թուրքիա Լրագրողներու Համար Դարձած է Իրական Դժոխք

​Թուրքիա Լրագրողներու Համար Դարձած է Իրական Դժոխք ​Թուրքիա Լրագրողներու Համար Դարձած է Իրական Դժոխք
1993-ի Մայիս 3-ին ՄԱԿ-ի կողմէ այդ օրը յայտարարուեցաւ իբրեւ մամուլի ազատութեան միջազգային օր: Այս առթիւ թրքական «Birgün» թերթի կայքը անդրադարձած է Թուրքիոյ մէջ մամուլի ազատութեան վիճակին:

Ըստ «Արմենի հապեր»-ի՝ վերջին մէկ տարուան արտակարգ դրութեան պայմաններուն մէջ ընդունուած, օրէնքի ուժ ունեցող որոշումներու ծիրէն ներս Թուրքիոյ մէջ դադրեցուած է հարիւրաւոր հրատարակութիւններու գործունէութիւնը: Տարբեր աղբիւրներու հրապարակած տուեալներուն համաձայն` Թուրքիոյ մէջ այժմ անազատութեան մէջ կը գտնուի 159-էն մինչեւ 168 լրագրող:

Մամուլի ազատութեան օրուան առիթով թրքական թերթին հարցազրոյց տուած տարբեր թրքական իրաւապաշտպան կառոյցներու եւ լրագրողական միութիւններու ղեկավարներ դատապարտած են երկրին մէջ մամուլի եւ լրագրողներու նկատմամբ գործադրուող ճնշումներն ու բռնութիւնները` նշելով, որ Թուրքիան վերածուած է բացօթեայ բանտի:

Թուրքիոյ ընդդիմադիր «Ժողովուրդներու հանրապետական» կուսակցութեան (ԺՀԿ-CHP) պատգամաւոր Պարըշ Եարքադաշը հետեւեալ մեկնաբանութիւնը ըրած.

«Թուրքիան լրագրողներու համար դարձած է իրական դժոխք: Անոնց ազատութիւնները լիովին զերոյի հաւասարեցուած են: Լրագրողները նոյնիսկ չեն կրնար շնչել:

Հարիւրաւոր լրագրողներ ամիսներ շարունակ փակուած են բանտերու մէջ, իսկ անոնց շատերուն վերաբերեալ մեղադրական եզրակացութիւնները դեռե չեն կազմուած»:

Եարքադաշ յիշեցուցած է, որ անազատութեան մէջ կը գտնուի նաեւ « «Birgün» թերթի թղթակիցներէն մէկը, որուն վերաբերեալ ոչ առաջադրուած մեղադրանքը դեռ յայտնի է, ոչ ալ մեղադրական եզրակացութիւնը» պատրաստ է:

Աւելցնենք նաեւ, որ օրեր առաջ «Freedom House»-ի կողմէ հրապարակուած մամուլի ազատութեան համաշխարհային զեկոյցին մէջ Թուրքիան կը զբաղեցնէր 163-րդ տեղը` ընդգրկուելով անազատ մամուլ ունեցող երկիրներու ցանկին մէջ:

Bu haber ..... kaynağından gelmektedir.
www.bolsohays.com un görüşünü yansıtmaz.

Anket Tüm Anketler

+