Տիարպեքիրի Սուրբ Սարգիս Եկեղեցին Քանդման Վտանգի Տակ Յայտնուած Է - Հայերէն
23 Haziran 2017 -    Հակական տոմար - Տարի : 4509 / Ամիս : Մարգաց / Օր : Ծմակ / Ժամ : Ճառագայթեալ

Հայերէն :

14 Haziran 2017  

Տիարպեքիրի Սուրբ Սարգիս Եկեղեցին Քանդման Վտանգի Տակ Յայտնուած Է

Տիարպեքիրի Սուրբ Սարգիս Եկեղեցին Քանդման Վտանգի Տակ Յայտնուած Է Տիարպեքիրի Սուրբ Սարգիս Եկեղեցին Քանդման Վտանգի Տակ Յայտնուած Է
Այժմեան Թուրքիոյ տարածքին մէջ գտնուող Տիարպեքիրի պատմական Սուր շրջանին մէջ քանդման վտանգի տակ յայտնուած է նաեւ հայկական Սուրբ Սարգիս եկեղեցին, կը յայտնէ «Թերթ»-ը՝ վկայակոչելով թրքական gazetekarinca.com կայքը:

Գանձագողերու կողմէ աւերակներու վերածուած եկեղեցւոյ պատերը կը ցանկան հողին հաւասարեցնել քաղաքաշինութեան նոր ծրագրի ծիրէն ներս:

Կ՛ենթադրուի, որ Սուրբ Սարգիս եկեղեցին կառուցուած է 16-րդ դարուն, անիկա պատկանած է Տիարպեքիրի կաթոլիկ հայ համայնքին:

Ցեղասպանութենէն ետք տեղի քիւրտ աղաներու կողմէն եկեղեցւոյ շէնքը յաճախ օգտագործուած է իբրեւ խոտի պահեստ կամ անասնագոմ, վերջին տարիներուն ալ տեղական իշխանութիւններու անտարբերութեան հետեւանքով անիկա բազմիցս ենթարկուած է գանձագողերու յարձակումներուն, որոնք հայերէն մնացած ոսկիները գտնելու յոյսով բազմաթիւ պեղումներ կատարած են այստեղ ու զգալի վնաս հասցուցած շէնքին:

Յիշեցնենք, որ Սուրի մէջ արդէն երկրորդ շաբաթն է` ամբողջութեամբ կը քանդուին թուրք-քրտական բախումներէն ետք պետականացուած կառոյցները: Յայտնի է, որ այս յատուկ գործողութեան ընթացքին պիտի քանդուի ընդհանուր 850 կառոյց:

2016-ին պետականացուած գոյքի ցուցակին մէջ յայտնուած էր նաեւ հայկական Սուրբ Կիրակոս եկեղեցին, որ, սակայն, աւելի ուշ կարելի եղաւ վերադարձնել մշակութային հիմնադրամին, որուն կը պատկանէր եկեղեցին մինչեւ բռնի պետականացումը:

Bu haber dış kaynaklı - - sitesinden alınmıştır. www.bolsohays.com'un görüşünü yansıtmaz.

Diğer Haberler

Çok Okunan Haberler

  • Bugün
  • Bu Hafta
  • Bu Ay
  • 2007
  • 2002

Anket Tüm Anketler

+