Հերթափոխութեան Փուլ - Հայերէն
25 Kasım 2017 - Հակական տոմար - Տարի : 4510 / Ամիս : Տրե / Օր : Ցրօն / Ժամ : Շառաւիղեալ

Հայերէն :

24 Ekim 2017  

Հերթափոխութեան Փուլ

Հերթափոխութեան Փուլ Հերթափոխութեան Փուլ
Թուրքիոյ ոչ-իսլամ փոքրամասնութիւններու աշխարհական ղեկավարները երէկ ունեցան հանդիպում մը՝ մասնակցութեամբ Վաքըֆներու խորհուրդի մօտ փոքրամասնութեանց ներկայացուցիչ Թորոս Ալճանի։ Հանդիպումը տեղի ունեցաւ Թորոս Ալճանի գրասենեակին մէջ, որ կը գտնուի KEY Plaza-էն ներս։ Մեր համայնքին կողմէ մասնակցեցան Սուրբ Փրկիչ Ազգային հիւանդանոցի հոգաբարձութեան ատենապետ Պետրոս Շիրինօղլու եւ Համայնքային վաքըֆներու հարթակի (VADİP) ատենադպիր Յարութիւն Շանլը։ Բաց աստի, հանդիպման ներկայ գտնուեցան Սուրբ Յակոբ հիւանդանոցի հոգաբարձութեան ատենապետ Պեռնար Սարըպայ, Թուրքիոյ հրեայ համայնքի նախագահ Իսհակ Իպրահիմզատեհ, փոխ-նախագահ Մորիս Լեւի, յոյն համայնքէն՝ «Ռումվատէր»ի փոխ-նախագահ Եորկօ Փափալիարիս, ասորի համայնքէն՝ Պէյօղլուի Ս. Աստուածածին եկեղեցւոյ ծխական խորհուրդի նախագահ Սաիտ Սուսին, Քաղդէացի կաթոլիկներու եկեղեցւոյ մատակարար մարմնի նախագահ Թէոման Էօնտէր, պուլկար համայնքի Էկզարքութեան վաքֆի նախագահ Վասիլ Լիածէ, Վրացի կաթոլիկներու եկեղեցւոյ վարչութեան նախագահ Փոլ Զազածէ։

Ըստ Թորոս Ալճանի գրասենեակին կողմէ թողարկուած մամլոյ հաղորդագրութեան, ոչ-իսլամ փոքրամասնական համայնքներու աշխարհական վարիչները խորհրդակցութիւն մը ունեցան յառաջիկայ նոր շրջանին ընդառաջ։ Արդարեւ, ներկայ տարեվերջին Թորոս Ալճանի պաշտօնավարութեան շրջանը պիտի հասնի իր աւարտին՝ որպէս Վաքըֆներու խորհուրդի մօտ փոքրամասնութեանց ներկայացուցիչ։ Հետեւաբար, փոքրամասնական վաքըֆները կը պատրաստուին ընտրելու նոր ներկայացուցիչ մը։ Ոչ-իսլամ փոքրամասնութիւնները որդեգրած են սկզբունք մը, ըստ որու այդ պաշտօնը հերթով պիտի ստանձնեն համայնքները։ Հետեւաբար, յառաջիկայ շրջանին հրեայ համայնքին կողմէ յառաջ պիտի տարուի այդ գործը։

Ըստ նոյն հաղորդագրութեան, երէկուան խորհրդակցութեան ի շարունակութիւն յառաջիկայ օրերուն փոքրամասնութիւններու վաքըֆներուն կողմէ պիտի հրապարակուի նոր ներկայացուցիչի թեկնածուին անունը։

Երեքշաբթի, Հոկտեմբեր 24, 2017



Bu haber ja.....k kaynağından gelmektedir.
www.bolsohays.com un görüşünü yansıtmaz.

Anket Tüm Anketler

+