Թրքական Կայքը Անդրադարձած է Հայկական Թղթադրամի Վրայ Սարոյեանի Պատկերին - Հայերէն
28 Mart 2024 - Հակական տոմար - Տարի : 4516 / Ամիս : Արեգ / Օր : Սիմ / Ժամ : Երկրատես

Հայերէն :

22 Kasım 2018  

Թրքական Կայքը Անդրադարձած է Հայկական Թղթադրամի Վրայ Սարոյեանի Պատկերին -

Թրքական Կայքը Անդրադարձած է Հայկական Թղթադրամի Վրայ Սարոյեանի Պատկերին Թրքական Կայքը Անդրադարձած է Հայկական Թղթադրամի Վրայ Սարոյեանի Պատկերին

Թրքական «Sozcu» թերթին կայքը անդրադարձած է Հայաստանի մէջ շրջանառութեան մէջ դրուելիք նոր՝ 3-րդ սերունդի 5000 անուանական արժէքով թղթադրամին վրայ Ուիլիըմ Սարոյեանը պատկերելու փաստին:

«Պիթլիսէն դուրս եկաւ, Հայաստանի թղթադրամին վրայ պատկերուեցաւ» վերնագիրով հրապարակման մէջ յօդուածագիրը անդրադարձած է Հայաստանի մէջ շրջանառութեան մէջ դրուելիք թղթադրամներուն եւ նշած, որ անոնցմէ մէկուն վրայ Թուրքիոյ մէջ ճանչցուած անձնաւորութիւն մը պատկերուած է:

Ըստ Ermenihaber.am-ի՝ թրքական աղբիւրը կը յիշեցնէ, որ Սարոյեանի ընտանիքը Միացեալ Նահնագներ գաղթած է ներկայ Թուրքիոյ Պիթլիս (Բաղեշ) քաղաքէն:

«Պիթլիսէն ԱՄՆ-ը գաղթած եւ գրականութեան պատմութեան մէջ իրեն համար իւրայատուկ տեղ նուաճած Ուիլիըմ Սարոյեանը… Պուլիցերեան եւ Օսկար մրցանակներու դափնեկիր Սարոյեանը կը պատկերուի Հայաստանի 5000 դրամ անուանական արժէքով թղթադրամին վրայ»,- նշած է յօդուածին հեղինակը:

Հրապարակման մէջ համառօտ անդրադարձ եղած է Սարոյեանի կենսագրութեան, ստեղծագործական կեանքին ու ստացած մրցանակներուն, ինչպէս նաեւ ամերիկացի նշանաւոր գրող Էռնեսթ Հեմինկուէյի հետ ունեցած տարաձայնութիւններուն:

Ուիլիըմ Սարոյան թէեւ ծնած է ԱՄՆ-ի Ֆրեզնօ քաղաքին մէջ, սակայն ամուր կապ պահպանած է իր նախնիներու հայրենիքին հետ եւ 1964-ին այցելած է Արեւմտեան Հայաստան՝ Պիթլիս:

2014-ին, երբ լրացաւ Սարոյեանի այցին 50-ամեակը, Պիթլիսի քրտական աւագանին որոշում կայացուց քաղաքի Սափգոր թաղամասին այն փողոցը, ուր ապրած է գրողին ընտանիքը, անուանակոչելու Սարոյեանի անունով:







Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com

Diğer Haberler

+