​Ուզում եմ ճանաչելի դարձնել իմ Հայաստանը. Մարիցա Թիլիքյանը հաղթել է - Հայերէն
28 Mayıs 2022 - Հակական տոմար - Տարի : 4514 / Ամիս : Մարերի / Օր : Սիմ / Ժամ : Հուրփեայլեալ

Հայերէն :

16 Temmuz 2021  

​Ուզում եմ ճանաչելի դարձնել իմ Հայաստանը. Մարիցա Թիլիքյանը հաղթել է -

​Ուզում եմ ճանաչելի դարձնել իմ Հայաստանը. Մարիցա Թիլիքյանը հաղթել է ​Ուզում եմ ճանաչելի դարձնել իմ Հայաստանը. Մարիցա Թիլիքյանը հաղթել է

Լիտվայում հունիսի 2-4 –ը տեղի ունեցավ «Երգն ուժ է, որը միավորում է ժողովուրդներին՝ հատելով բոլոր սահմանները» խորագրով «Baltic voice 2021» վոկալի միջազգային մանկական և երիտասարդական մրցույթը, որին մասնակցում էին 15 երկրներից ավելի քան 120 մասնակիցներ: Հայաստանից ժյուրի էր հրավիրված ԵՊՀ մշակույթի կետրոնի տնօրեն, «Հայ մշակույթի միջազգային ասոցիացիա» ՀԿ հիմնադիր-նախագահ Կարինե Դավթյանը:
Մրցույթում Հայաստանը պատվով ներկայացրած Մարիցա Թիլիքյանը, որը ԵՊՀ ինֆորմատիկայի և կիրառական մաթեմատիկայի ֆակուլտետի շրջանավարտ է, երգել սկսել է դեռևս երկու տարեկանից: Համալսարան ընդունվելիս իմացել է, որ այստեղ գործում է Մշակույթի կենտրոն և ԵՊՀ-ում առաջինը հենց այստեղ է եկել:

Կարինե Դավթյանի խոսքով, «Baltic Voice 2021» մրցույթին մասնակցելու գաղափարը ծնվել է Էստոնիայի հայ համայնքի ներկայացուցիչ, Տալլինի Մեսրոպ Մաշտոցի անվան հայկական կիրակնօրյա դպրոցի տնօրեն Ջաննա Շահբազյանի շնորհիվ. «Ջաննան եղել է մեր կողմից կազմակերպված ամառային դպրոցի մասնակիցներից մեկը, անցել ազգային երգ ու պարի դասընթացները և քաջատեղյակ է մեր գործունեությանն ու հնարավորություններին: Մի օր էլ նա տեղեկացրեց մրցույթի մասին՝ ասելով, որ այն շատ բարձր մակարդակով իրականացվող միջոցառում է, և հույս հայտնեց, որ մենք էլ կմասնակցենք դրան»:

Ստանալով մրցույթի մասին տեղեկատվություն՝ միանգամից մտածել է. այս մրցույթին մասնակցելու մեկնարկը պետք է լինի հենց Մարիցայի ելույթով, բայց դրա համար պետք էր նախապես ներկայանալ էլեկտրոնային տարբերակով, և եթե ընտրեին մասնակցին, ապա նոր միայն հնարավորություն ստանալ հանդես գալու մրցույթին. «Մենք էլեկտրոնային տարբերակով ուղարկեցինք անհրաժեշտ բոլոր նյութերը, որից հետո ստացանք հրավերը և արդեն սկսեցինք խանդավառությամբ նախապատրաստվել»:
«Մարիցան մեր կենտրոնում է արդեն 11 տարի: Այս ընթացքում նա մասնակցել ու հաղթել է միջազգային ու տեղական բազմաթիվ մրցույթներում: Բեմը սիրում է մտածող մարդկանց, իսկ Մարիցան այդպիսինն է: Մարիցան այն մարդն է, որն աստվածային շնորհով է օժտված, ես տեսել եմ այդ շնորհը և փորձել եմ հնարավորություն ստեղծել այն լավագույնս դրսևորելու համար»,- ասում է Կարինե Դավթյանը և հիշեցնում, որ Մարիցան նաև Մշակույթի կենտրոնի թատրոն-ստուդիայի սան է, խաղացել է տարբեր ներկայացումներում. «Սա շատ հետաքրքիր միահյուսում է, երբ երգչուհին ոչ միայն հրաշալի վոկալով ներկայացնում է երգը, այլև կարողանում է ստեղծել կերպար»:

«Արցախյան այս պատերազմում ես կորցրի եղբորս ու անսահման շնորհակալ եմ սիրելի տիկին Դավթյանին՝ ինձ նորից իմ սիրելի աշխարհ՝ երգարվեստ, վերադարձնելու, Հայաստանը ներկայացնելու ու Հայաստանի մասին պատմելու հնարավորություն ընձեռելու համար»,- ասում է Մարիցա Թիլիքյանը:

Մրցույթին նախապատրաստվելիս ամենաբարդը եղել է երգի ընտրությունը: Մասնակիցները մրցույթին պետք է հանդես գային երկու երգով. մեկը կարող էր լինել մասնակցի նախընտրած ցանկացած երգ, իսկ մյուսը՝ համաշխարհային հիթ: Քննարկումների արդյունքում ընտրությունը կանգ առավ Շուշան Սարգսյանի «Հայաստան, երկիր իմ մայր» երգի վրա:

Իսկ հաղթանակը, ասում է, միայն իրենցը չէ, սա Հայաստանինը: Մարիցայի երազանքն է, որ աշխարհը ճանաչի Հայաստանը, որ բոլորը ճանաչեն մեր հերոսներին. «Ես ուզում եմ իմ գործունեությամբ ճանաչելի դարձնել իմ փոքր, բայց մեծ երկիրը, որին այնքան սիրում եմ»:

Մարիցա Թիլիքյանն ու Կարինե Դավթյանը տեղեկացրին, որ ստացել են տարբեր մրցույթների մասնակցության հրավեր, որոնց սիրով կմասնակցեն և կփորձեն պատվով ներկայացնել Հայաստանը:






Bu haber verelq kaynağından gelmektedir.

Haber metninde yer alan görüşler haber kaynağı (verelq) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(verelq). They do not purport to reflect the opinions or views of bolsohays.com

Diğer Haberler

+