BBC Հաղորդում Մը Կատարեց Կոմիտաս Վարդապետի Մասին - Հայերէն
29 Mart 2024 - Հակական տոմար - Տարի : 4516 / Ամիս : Արեգ / Օր : Վարագ / Ժամ : Թաղանթեալ

Հայերէն :

24 Ekim 2021  

BBC Հաղորդում Մը Կատարեց Կոմիտաս Վարդապետի Մասին -

BBC Հաղորդում Մը Կատարեց Կոմիտաս Վարդապետի Մասին BBC Հաղորդում Մը Կատարեց Կոմիտաս Վարդապետի Մասին

Անգլիական հեղինակաւոր BBC լրասփիւռը ծաւալուն յօդուած մը հրապարակեց Մեծն Կոմիտաս Վարդապետի մասին։ Թողարկուած նիւթին մէջ տեղ գտաւ նաեւ Արցախի երկրորդ պատերազմի ընթացքին Շուշիի մէջ ռմբակոծուած Ս. Ամենափրկիչ Ղազանչեցոց եկեղեցւոյ մէջ թաւջութակահար Սեւան Աւանէսեանի կողմէ՝ Կոմիտասի ստեղծագործութեան նուագման հոլովակը։ «BBC Music Magazine»ի մէջ նշուեցաւ, որ Կոմիտաս դարձած է Հայոց ցեղասպանութեան զոհերէն մին։ «Հայերու համար երաժշտութիւնը յիշողութիւն է։ Եւ ամէն անգամ, Ապրիլի 24-ին՝ հայերու բնաջնջման յիշատակի օրը, անոնք ամբողջ աշխարհէն կը հաւաքուին՝ յարգելու հանգուցեալներու յիշատակը։ Կը հնչեն նաեւ Կոմիտասի երգերը», գրած է BBC-ի հեղինակը։

Բաց աստի, յօդուածին մէջ հեղինակը վստահութիւն յայտնած է, թէ որեւէ տեղ եթէ հարցնեն, թէ ո՞վ է Հայաստանի մեծագոյն երգահանը, ապա բոլորը Արամ Խաչատուրեանի մասին պիտի խօսին, բայց հայերը Կոմիտասի անունը պիտի նշեն։ «Ինչպէս խոստովանած է անոր ամենայայտնի հայրենակիցներէն մէկը՝ Արամ Խաչատուրեան, ան առանձին դրած է հայկական դասական երաժշտութեան աւանդութիւններու հիմքը», աւելցուած է BBC-ի թողարկման մէջ։

Միեւնոյն ժամանակ, յօդուածին մէջ բացատրութիւններ տրուած են Կոմիտասի թողած ժառանգութեան մասին՝ թէեւ այդ մէկը որակուած է համեստ, սակայն ընդգծուած է, որ Մեծ Վարդապետէն աւանդ մնացած է ութսուն խմբերգ եւ երգեր, հայկական ազգային երգերու մշակումներ եւ մեներգներ դաշնամուրի նուագակցութեամբ։





Bu haber jamanak kaynağından gelmektedir.

Haber metninde yer alan görüşler haber kaynağı (jamanak) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(jamanak). They do not purport to reflect the opinions or views of bolsohays.com

Diğer Haberler

+