​Ֆրանսիս Քիւրքճեանը` Քրիսթիան Տիոր Օծանելիքի Տան Ստեղծագործական Տնօրէն - Հայերէն
30 Kasım 2021 - Հակական տոմար - Տարի : 4514 / Ամիս : Տրե / Օր : Գիշերավար / Ժամ : Երկրատես

Հայերէն :

24 Ekim 2021  

​Ֆրանսիս Քիւրքճեանը` Քրիսթիան Տիոր Օծանելիքի Տան Ստեղծագործական Տնօրէն -

​Ֆրանսիս Քիւրքճեանը` Քրիսթիան Տիոր Օծանելիքի Տան Ստեղծագործական Տնօրէն ​Ֆրանսիս Քիւրքճեանը` Քրիսթիան Տիոր Օծանելիքի Տան Ստեղծագործական Տնօրէն

Ֆրանսական յայտնի «Քրիսթիան Տիոր Բարֆիւմզ»-ի ստեղծագործական նոր տնօրէն նշանակուած է ֆրանսահայ Ֆրանսիս Քիւրքճեանը, փոխարինելով Ֆրանսուա Տըմաշին, թոշակի անցնելու պատճառով:

«Ինծի համար մեծ պատիւ է միանալ «Քրիսթիան Տիոր բարֆիւմզ»-ի օծանելիքի տան, որ ունի ոգեշնչող պատմութիւն եւ ստեղծագործական ոգի: Այսօր ես ուրախ եմ, որ պիտի կարենամ կեանքի կոչել իմ տեսլականը` իմ բուրումնաւէտ ստեղծագործութիւններով, միաժամանակ շարունակելով ստեղծագործել իմ սեփական օծանելիքի տան համար, ինչ որ մեծ առաւելութիւն է», յայտնած է Քիւրքճեան:

Նշենք, որ Ֆրանսիս Քիւրքճեան ծնած է Փարիզ, 1969-ին: Անոր նախնիները Արեւմտեան Հայաստանէն են, Ցեղասպանութեան ժամանակ գաղթած են Հալէպ, այնուհետեւ հաստատուած են Ֆրանսա:

25 տարեկանին Քիւրքճեան ստեղծած է իր առաջին բոյրը` «Լe Mâle»-ը, նշանաւոր ոճաբան Ժան Փոլ Կոթիէի պատուէրով: Ան հեղինակ է աւելի քան հարիւր օծանելիքի եւ բոյրերու:

Ստորեւ նկարին վրայ` Ֆրանսիսը շրջապատուած իր ընտանիքով, եղբայրը` Լիոնելը, քոյրը` Մարինան, երկու զարմուհիները, մայրը` Սիլվիան եւ հայրը` Պետրոսը:

Ֆրանսիս յատկապէս տպաւորուած է իր տատիկով` Սաթենիկով. «Տատիկս զարգացած կին էր: Բացի հայերէնէն` ան կը տիրապետէր սահուն անգլերէն, ֆրանսերէն, յունարէն, իտալերէն եւ թրքերէն լեզուներուն: Ան էր, որ մեր մէջ սերմանեց մեր արմատներու հանդէպ սէրը, ինչպէս նաեւ Ֆրանսայի եւ ֆրանսական մշակոյթի սէրը եւ երախտագիտութեան զգացումը` այն երկրին, որ մեզ ընդուներ էր», կը յիշէ Ֆրանսիս:








Bu haber aztag kaynağından gelmektedir.

Haber metninde yer alan görüşler haber kaynağı (aztag) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(aztag). They do not purport to reflect the opinions or views of bolsohays.com
+