Ռաֆայէլ Պետրոս ԻԱ Կաթողիկոս Պատրիարքին հանդիպումը Մետրոպոլիտ Հիլարիոնի հետ։ - Հայերէն
05 Temmuz 2022 - Հակական տոմար - Տարի : 4514 / Ամիս : Մարգաց / Օր : Ահրանք / Ժամ : Այգ

Հայերէն :

10 Ocak 2022  

Ռաֆայէլ Պետրոս ԻԱ Կաթողիկոս Պատրիարքին հանդիպումը Մետրոպոլիտ Հիլարիոնի հետ։ -

Ռաֆայէլ Պետրոս ԻԱ Կաթողիկոս Պատրիարքին հանդիպումը Մետրոպոլիտ Հիլարիոնի հետ։ Ռաֆայէլ Պետրոս ԻԱ Կաթողիկոս Պատրիարքին հանդիպումը Մետրոպոլիտ Հիլարիոնի հետ։

Ամենապատիւ Հոգեւոր Տէրը հիւրընկալուեցաւ նաեւ Ռուսաստանի մէջ Անտիոքի Պատրիարքի ներկայացուցիչ Մետրոպոլիտ Նիֆոնի կողմէ, որուն հետ ունեցաւ մտերմիկ զրոյց ի ներկայութեան Ռուսիոյ մէջ Լիբանանի դեսպանին։

Երկուշաբթի, 10 յունուարին, Ամեն. Եւ Գերեջ. Ռաֆայէլ Պետրոս ԻԱ Կաթողիկոս Պատրիարքը որ հովուապետական այցով կը գտնուի Ռուսաստան, Մոսկուայի մէջ հանդիպում ունեցաւ Մոսկուայի եւ համայն Ռուսիոյ պատրիարքութեան արտաքին եկեղեցական յարաբերութիւններու բաժնի նախագահ եւ Վոլկոլամսկիի Մետրոպոլիտ` Իլարիոնին հետ։ Ամենապատիւ Հոգեւոր Տիրոջ կ՜ընկերանային Ռուսաստանի մէջ հայ կաթողիկէ եկեղեցւոյ Առաջնորդական Փոխանորդ` Գերյ. Հ. Պետրոս Ծ. Վրդ. Եսայեանը եւ գեր. Հայր Նարեկ Վարդապետ Մնոյանը մինչ Ռուս Ուղղափառ Եկեղեցւոյ կողմէն հանդիպման ներկայ գտնուեցան միջ քրիստոնէական յարաբերութիւնների քարտուղար Հայր Ստեֆանը (Իգումնով) եւ տիար Ս. Գ. Ալֆերովը:

Մետրոպոլիտ Իլարիոնը Տանն Կիլիկիոյ կաթողիկէ հայոց հայրապետին ողջունեց յանուն Մոսկուայի և Համայն Ռուսիոյ Պատրիարք Քիրիլին մատնանշելով Մոսկուայի պատրիարքարանի և Հայ կաթողիկէ եկեղեցւոյ միջև համագործակցութեան կարևորութեան մասին եւ այդ ծիրէն ներս Սուրիոյ և Լիբանանի մէջ մարդասիրական ծրագրեր իրականացնելու գործին
Իր հերթին Ամենապատիւ Հոգեւոր Տէրը շնորհակալութիւն յայտնեց հիւրընկալութեան համար՝ երախտագիտութիւն յայտնելով Նորին Սրբութիւն Պատրիարք Քիրիլին և ողջ Ռուս Ուղղափառ Եկեղեցւոյ, ինչպէս նաև Ռուսաստանի պետութեանը՝ աշխարհի տարբեր շրջաններուն մէջ հալածուած և վշտահար քրիստոնեաներուն աջակցելու հետևողական ջանքերուն համար։

Առիթէն օգտուելով Ամենապատիւ Հոգեւոր Տէրը երախտագիտութիւնը յայտնեց նաեւ գահակալութեան առիթով Ռուս Պատրիարքարանի ներկայացուցիչ` Արքիմանտրիտ Ֆիլիփի ներկայութեան համար, անոր փոխանցած նուէրին ու շնորհաւորանքներուն համար։

Հայ Կաթողիկէ եկեղեցւոյ առաջնորդը բարձր գնահատեց Մոսկուայի պատրիարքարանի մասնակցութիւնը Լեռնային Ղարաբաղի մէջ իրավիճակի կարգաւորման աջակցելու։

«Պատմութիւնը վկայ է, որ ռուսական պետութիւնն էր, որ ամենաարդիւնաւէտ օգնութիւնը ցուցաբերած է իր հալածուած հաւատացեալ եղբայրներուն։ Մենք կը յիշենք այդ մէկը և անկեղծօրէն երախտապարտ ենք» ըսաւ ի մէջ այլոց Ամենապատիւ Հոգեւոր Տէրը։

Զրուցակիցները անդրադարձան հուսկ Սուրիոյ իրավիճակին ու այնտեղ կատարելիք միասնական համագործակցութեան մասին, Լիբանանի եւ ընդհանրապէս Միջին Արեւելքի մէջ քրիստոնեաներու կացութեան մասին, ու անոնց դէմ մղուած հալածանքներուն ու տեղահանութեան հարցի մասին, այս ծիրէն ներս ընդգծելով` միութեան անհրաժեշտութիւնը` պաշտպանելու համար քրիստոնէութեան եւ քրիստոնեաներուն գոյատեւումը։

Ռաֆայէլ Պետրոս ԻԱ իր տրամադրութիւնը յայտնեց ընթանալու եւ զարգացնելու ի Քրիստոս միասնական ու փոխադարձ սիրոյ եւ աղօթքի վրայ հիմնուած փոխյարաբերութիւնն ու սերտ համագործակցութիւնը։

Մետրոպոլիտ Հիլարիոնը իր կարգին պատրաստակամութիւն յայտնեց վերեւ նշուած նիւթերուն շուրջ համագործակցելու եւ եկեղեցական ու ազգային բարեկամական փոխ յարաբերութիւնները աւելիով խորացնելու եւ ամրացնելու համար։

Հանդիպում Մետրոպոլիտ Նիֆոնին հետ
Մետրոպոլիտ Հիլարիոնի հետ ունեցած հանդիպումէն ետք Ամենապատիւ Հոգեւոր Տէրը հիւրընկալուեցաւ Ռուսաստանի մէջ Անտիոքի Պատրիարքի ներկայացուցիչ Մետրոպոլիտ Նիֆոնի կողմէ, որուն հետ ունեցաւ մտերմիկ զրոյց ի ներկայութեան Ռուսիոյ մէջ Լիբանանի դեսպանին։






Bu haber vaticannews kaynağından gelmektedir.

Haber metninde yer alan görüşler haber kaynağı (vaticannews) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(vaticannews). They do not purport to reflect the opinions or views of bolsohays.com
+