​Սուրբ Սարգիսի՞ Տօն, Թէ՞ Վալենթինի Օր - Հայերէն
27 Mayıs 2022 - Հակական տոմար - Տարի : 4514 / Ամիս : Մարերի / Օր : Վահագն / Ժամ : Շառաւիղեալ

Հայերէն :

12 Şubat 2022  

​Սուրբ Սարգիսի՞ Տօն, Թէ՞ Վալենթինի Օր -

​Սուրբ Սարգիսի՞ Տօն, Թէ՞ Վալենթինի Օր ​Սուրբ Սարգիսի՞ Տօն, Թէ՞ Վալենթինի Օր

Ըստ Հայ առաքելական եկեղեցւոյ օրացոյցին, շաբաթ, 12 փետրուար 2022-ին հայ ժողովուրդը կը նշէ Սուրբ Սարգիս զօրավարի, երիտասարդներու օրհնութեան եւ սիրելիներու օրուան տօնը, իսկ, ըստ սովորական օրացոյցին, երկուշաբթի, 14 փետրուարին շարք մը երկիրներ կը տօնեն Վալենթինի օրը, կամ` Սիրահարներու օրը:

Սուրբ Սարգիս զօրավար հայ ժողովուրդի ամէնէն սիրուած սուրբերէն մին եւ սիրելիներու բարեխօսն է: Ան իր որդիին` Մարտիրոսին եւ 14 քաջ մարտիկներու հետ յանուն քրիստոնէական հաւատքի նահատակուած է:

Ըստ պատմուածքներու, Վալենթին 3-րդ դարուն (226- 14 փերուար 269) Իտալիոյ մէջ ապրող երիտասարդ հոգեւորական մըն է, որ սիրահարներու նկատմամբ յատուկ մօտեցում մը կը ցուցաբերէր: Այդ ժամանակ Հռոմի կայսրը իր զինուորներուն արգիլած էր սիրահարիլ ու ամուսնանալ: Վալենթին գաղտնօրէն կը պսակէր զինուորները եւ կ՛օգնէր սիրահար երտասարդներու: Երբ որ Վալենթինի այս առաքելութիւնը յայտնի կ՛ըլլայ, ան կը ձերբակալուի եւ մահուան կը դատապարտուի: Ըստ աւանդական պատմուածքներու, ան կը սիրահարի բանտապետի աղջկան: Վալենթին կը մահանայ 14 փետրուար 269 թուականին. այդ օրն ալ, ի յիշատակ Վալենթինի, կը հռչակուի Սիրահարներու օր, որ այդ տարիէն կը տօնուի աւելի քան 100 երկիրներու մէջ:

5-րդ դարուն Կաթողիկէ եկեղեցին զայն կը դասէ սուրբերու կարգին, սակայն 1969 թուականին ան կը հանուի սուրբերու շարքէն:

Վալենթինի օրը հայ ժողովուրդին համար ազգային կամ եկեղեցական տօն մը չէ, իսկ Սուրբ Սարգիսի տօնը եկեղեցական եւ աւելի հոգեհարազատ է ու կապուած է պաշտամունքի եւ հայ աւանդութեան հետ, բացի իր հոգեւոր խորքէն` անիկա իր մէջ կը ներառէ սիրոյ խորհուրդը:

Վալանթինի պարագային, մենք գործ չունինք պաշտամունքին հետ, այլ գործ ունինք վաճառքի եւ առեւտուրի հետ:

Հայ ժողովուրդը կղզիացած ազգ մը չէ, դարերով բազմաթիւ օտար ազգերու հետ շփում ունեցած է, անոնց տուած է իր ունեցածը, փոխարինած է անոնց ունեցածը:

Հայ ժողովուրդը չի մերժեր Վալանթինի օրը ու կը յարգէ զայն` իբրեւ օտարի տօն եւ սովորութիւն, սակայն ինք ունի անոր համարժէք տօնը եւ կը նշէ Սուրբ Սարգիսի եւ Սիրահարներու տօնը` որպէս իր սեփական հարազատ տօնը:

ՏՈՔԹ. ՍԱՐԳԻՍ ԱՏԱՄ





Bu haber aztag kaynağından gelmektedir.

Haber metninde yer alan görüşler haber kaynağı (aztag) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(aztag). They do not purport to reflect the opinions or views of bolsohays.com

Diğer Haberler

+