Գալֆաեան Տան մէջ վերջերս տեղի ունեցաւ տարեվերջի հանդէս, ինչ որ մեծ խանդավառութեան առիթ դարձաւ։ Ներկայ գտնուեցան խնամակալութեան ներկայացուցիչները, դպրոցի պատասխանատուները, կրթական մշակներ, ծնողներ եւ հիւրեր։ Աշակերտները օրուան յայտագիրը գործադրեցին յաջողութեամբ՝ արժանանալով ծափահարութիւններու։

Շնորհաւորութեան խօսքով մըն ալ հանդէս եկաւ տնօրէնուհի Թամար Ներկիզ, որ բարձր գնահատանքով արտայայտուեցաւ աւարտական դասարանի մասին եւ ապագայ յաջողութեան մաղթանքներ յղեց այս տարուայ ընթացաւարտներուն։

Յայտագրի գործադրութենէն վերջ դպրոցի պարտէզին մէջ սարքուեցաւ ընդունելութիւն։