Պատուաբեր Եւ Պատասխանատու - Հայերէն
02 Ekim 2022 - Հակական տոմար - Տարի : 4515 / Ամիս : Հոռի / Օր : Հրանդ / Ժամ : Արփող

Հայերէն :

26 Ağustos 2022  

Պատուաբեր Եւ Պատասխանատու -

Պատուաբեր Եւ Պատասխանատու Պատուաբեր Եւ Պատասխանատու

Մեր աշխատակից Մկրտիչ Արծիւեան կը տեղեկացնէ Իզմիթէն.-

ՈՒԷՖԱ-ի ֆութսալի ախոյեաններու լիկի F խմբաւորման նախաորակաւորման փուլի հանդիպումները այս օրերուն տեղի կ՚ունենան Քոճաէլիի մէջ։ Այս կարեւոր մրցաշարքին մէջ Թուրքիան կը ներկայացնէ Շիշլի մարզակումբը, որ անցեալ տարի ախոյեանի տիտղոսը նուաճած էր։ Իզմիթի «Կազանֆէր Պիլկէ» մարզասրահի երդիքին տակ Շիշլի երէկ ունեցաւ իր առաջին հանդիպումը։ Շիշլիցիներու մրցակիցն էր Գերմանիոյ ներկայացուցիչ «Շթութկարթէր 2020» խումբը։ Խաղի աւարտին շիշլիցիները պարտութիւն կրեցին 4-2 արդիւնքով։ Այսօր Շիշլիի յաջորդ մրցակիցը կ՚ըլլայ Շուէտի ներկայացուցիչ «Օրեպրօ» խումբը։

ՈՒԷՖԱ-ի ֆութսալի Եւրոպայի լիկի նախաորակաւորման փուլը կ՚ընթանայ ութ խմբաւորումներու մէջ՝ 32 խումբի մրցապայքարով։ Նախաորակաւորման փուլին առաջին հորիզոնը զբաղեցնելիք ութ խումբերը իրաւունք պիտի ստանան յաջորդ մրցափուլին անցնելու։

Թուրքիան ներկայացնելու առընթեր, Շիշլի մարզակումբը F խմբաւորման հիւրընկալն է։ Երէկուան մրցաշարքին հետեւեցան ակումբի վարչութեան ատենապետ Ալէն Թեքպըչաք եւ իր գործակից ընկերները։ Այս առթիւ Ալէն Թեքպըչաք յայտնեց, որ իրենց համար ուրախութիւն է ՈՒԷՖԱ-ի եւ ՖԻՖԱ-ի չափանիշներուն համապատասխան՝ այս կարեւոր մրցաշարքը կազմակերպած ըլլալը։

Շիշլիցիները այսօրուան մրցման կը սպասեն խանդավառութեամբ։

Հինգշաբթի, Օգոստոս 25, 2022







Bu haber jamanak kaynağından gelmektedir.

Haber metninde yer alan görüşler haber kaynağı (jamanak) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(jamanak). They do not purport to reflect the opinions or views of bolsohays.com
+